集體負評 TVB 新節目《蝸居宅急變》 網民:點解所有嘢都咁低質?

| Kay | 20-04-2018 18:19 | |

TVB 新節目《蝸居宅急變》,其官方節目介紹是這樣的:「節目以最真實貼地的香港家庭作為個案,邀請一班斗室設計改造達人,送上最實用最新潮的蝸居變裝法寶,用最少預算為蝸居升呢!」。看到這樣的節目簡介,可能不少人會有興趣一看,不過當你知道「斗室設計改造達人」是「美容達人」陳莉敏 Queenie,以及前 TVB 節目《有樓萬事足》主持 Ann 姐,而節目編審則為話題節目《盛女愛作戰》和《沒有起跑線》的岑應,或者已覺得《蝸居宅急變》伏味奇高......

【精選消息】網紅玩超大請流浪漢食「牙膏夾心餅」!面臨 2 年刑責需賠 29 萬

【精選消息】Robi 智能機械人 FB「賤賣」!網民:橋唔怕舊大把水魚

節目大暴走?

那麼《蝸居宅急變》到底是否伏到無朋友呢?記者不直接答你,改以精選網民回應來答你。總括網民留言,有些人是覺得首兩集節目致力將屋主家中廢物「斷捨離」,然後變回一個乾淨企理的蝸居,是比較正常的。但由第 3 集開始,網民一致認為「美容達人」陳莉敏 Queenie 來個大暴走,直斥她的品味奇差,「垃圾節目,X 到唔敢睇」。原因是節目中屋主的家已是真.蝸居,但陳莉敏又要刻意放置自己的 DIY 傑作:「紙巾燈」、「羽毛球燈」、「鋼絲刷燈」。

第 4 集「蔚為奇觀」

有網民認為第 4 集真的「蔚為奇觀」,男屋主原本有位置可放模型,但最後家居竟改頭換面為粉紅色的家,而網民更不值陳莉敏大費周章地淘寶大量紙扇,以及羽毛燈罩,營造「她眼中」的理想家居,並對男屋主見到經改造後的粉紅家居,苦笑指:「梗係鍾意啦」的「歷史性時刻」,感到可笑又可悲。

網民點評《蝸居宅急變》:

「說好的斷捨離呢,又買咁多垃圾返嚟」

「間屋畀佢咁搞,真係唔知好嬲定好笑」

「佢知唔知咩叫品味」

「點解個節目所有嘢都咁低質?」

「垃圾節目,X 到唔敢睇」

「第日可以用 QQ style 形容啲 X 到 XX 嘅設計」

「有冇人有追開空間改造王 / 空間大改造? 對比完兩個節目之後,真係知咩係垃圾中嘅垃圾」

「粉紅色有咁多隻係要揀隻最 X 嘅姣粉,仲要送垃圾畀人,勁肉酸」

「睇屋主中伏,但又唔可以開聲 X 果個樣真係好爆趣」

「成個節目似做假,多過真。搵果兩個扮晒專家嘅肥婆,就越睇越假。」

可能大家見到《蝸居宅急變》「斗室設計改造達人」是「美容達人」陳莉敏 Queenie,以及前 TVB 節目《有樓萬事足》主持 Ann 姐後,已經心想「伏已中」。

有網民認為首兩集《蝸居宅急變》是較正常的。圖為第一集「打救超級儲物狂」片段。

最後第集主人翁得到一個乾淨舒適的家。

第二集《蝸居宅急變》,就替主人翁解除全屋膠袋的魔咒。

誇張得連雪櫃都有廁紙。

其段這個「膠袋之家」有了大儲物櫃進行收納,觀感即時正常得多。

有網民發現,第3集《蝸居宅急變》內容開始大暴走,而節目主人翁也「被迫接受」「美容達人」陳莉敏的 cheap 爆 DIY 燈飾。

第 4 集《蝸居宅急變》的主人翁,原本是男屋主有位置安放模型、玩具,空間尚算寬敞。

不過經陳莉敏的「大改造」,就改頭換面為粉紅色的家。

男戶主見到「粉紅色的家」的情景,的確一臉無奈。有網民認為「睇屋主中伏,但又唔可以開聲 X 果個樣真係好爆趣」。

Source: TVB, hkgolden, lihkg

相關文章

Page 1 of 21