6 個理由不要做空姐

| 柔之拔 | 10-04-2018 09:02 | |

網民 JamesHarden 日前在 LIHKG 討論區發帖,題為「其實點解有咁多人想去做空姐?」。JamesHarden 表示:「唔明點解咁多人想去畢業就考空姐 睇落係好光鮮但其實真係一件苦差黎」。他隨即詳列 6 大論據,引證空姐係一件苦差。換個角度看,也是反對做空姐的理由。你認同嗎?

【1】 要返 shift

個 shift 仲要唔係香港境內 係要 standby 收到 call 就要隨時飛去機場去第二個國家(可能有 D 人好 enjoy)

【2】 人工低

空姐係冇得靠 ot 黎提升自己薪金 每個月連底薪加外站津貼計埋都係萬7-萬8 但重點係你花嘅時間同心力俾人地多 

【精選消息】網民嚴選 10 大香港最靚樓名


【3】 難與家人慶節團聚

大時大節冇得留係屋企人身邊. 空姐唔係話你想調假攞假就有得攞 變相好多時候大時大節好似斷六親咁 冇得陪屋企人甚至另一半 感情好多時候都會因為份工而變差

【4】 身體問題 

飛機長期處於空中三萬呎嘅高度 要知道個氣壓係會好低 長期飛會令身體造成一定程度嘅影響;而且空姐仲要長期幫乘客拎行李上 overhead locker 個動作做多咗會令腰骨漏損 久而久之會造成後患;同埋空姐長期要係外國適應時差,經常早機去到第二度仲係日頭 根本會嚴重影響睡眠 成日都要用好多時間黎調節返

【精選消息】網民發帖賣二手高跟鞋做善事 夠 like 再捐玩具


【5】 空中侍應 

其實係航空界行內呢個稱呼已經係見慣不怪 空姐要係狹窄嘅走廊度推送餐車 送餐 收垃圾 甚至要洗廁所 ,呢 D 對女仔黎講根本可謂係厭惡性工作 唔知點解黎到飛機就變成爭崩頭嘅嘢

【6】 晉升機會慢 

好多空姐想要做得長去搏升職上位其實係要好耐,一般嘅 service leader 要從 flight attendant 升上去要等 5-7 年 升上 supervisor 或者 Inflight service manager  甚至要等個 15-20 年根本係燃燒曬自己嘅青春。

你認為女生做空姐的真正原因是甚麼?

JamesHarden 續道:「其實仲有好多我未列曬出黎。寫到呢度大家都可能覺得做空姐平時拖住個 gip 行出行入機場好似好光鮮 但係其實個中辛酸大家係睇唔到 好多女仔貪得意一畢業就去考空姐 但其實好多時候都頂唔到兩年就出返黎」。

他指出:「大家可能覺得空姐好好玩周圍飛體驗唔同國家嘅,但係老實講,你幾個月就基本飛曬所有嘅 port 了 再落去只會越黎越悶 好少人可以繼續堅持落去,有錢不如自己去旅行唔好?點解要貪呢 D 所謂嘅公費旅遊?」

JamesHarden 苦口婆心:「打咁多希望大家可以尊重空姐呢份職業,唔好再叫人(空中飛X), 同時亦俾個忠告大家係投考空姐前要認真諗清楚份工係咪真係適合自己,唔好中途頂唔順就半途而廢。」咦,似乎又唔是完全反對女生做空姐啊!

【精選消息】太安樓月供一百 網民:要一棟

疑似空姐:食得咸魚

截稿前,帖子贏得 880 個正評,115 個負評。空姐是熱門話題,不少網民都踴躍留言。其中一位署名「西面屁小孩」的疑似空姐剖白:

  • 讀書 + 做之前份工試過壓力爆煲 
  • 轉左呢行之後覺得輕鬆個人開心左好多 
  • 至少放左工就係放左工 唔會放假有公事 whatsapp 
  • 而且每次同事都唔同 我呢啲毒_唔洗特登 please/ 融入佢地(文字經過處理)  
  • 人工係真心低,但前排屋企有事我調到一個月有 18 日假期都有 14k 人工,我諗真係無咩邊份工容許我咁做 
  • 係無前途架到我呢代十年都唔知升唔升到職,但當結左婚或者生左小朋友又可以 apply 只飛即日來回 / 飛半鐘 / 瘋狂調班黎照顧屋企之餘可以保留福利其實都幾好 
  • 唔好既樓主都講晒咁滯,食得咸魚抵得渴喇 
  • 利申:有穩定男友兼佢好支持同尊重我的職業

網民有 says

「其實點解有咁多人想去做空姐?」,節錄其他網民回應如下:

  • 萬尾黎講對於好多識講少少英文既 asso/ hd fresh grad 黎講真係算係吸引,而且 interview 唔算好難,一間唔得第二間都得,所以年年都有一大班人走去做
  • 釣下金龜姐
  • 有辣有唔辣啦 邊份工可以成日去世界各地玩?雖然唔係放大假咁玩 但包你一晚住,周圍行下見識下 滑下雪潛下水 一般人要三四年先去到四五個國家,你做兩三年就去得齊,仲未計你一拆後補機票。係就係唔穩定嘅,但後生女打風流工,玩夠四五年唔想玩咪上岸囉。
  • 周圍去下 見識多 d 嘢 接觸唔同國藉 唔同身份 平民 or 明星 嘅客 相處大部分同事年紀都唔會差好遠 工作性質都係好重複 但可以好多唔同變數 會見到好多唔同突發嘅事
  • 做兩三年當係旅行 有咩工可以周圍去先?春天睇櫻花、夏天夏祭、秋天紅葉、冬天雪景
  • 空姐其實真係幾好做 不過樓主淨係睇到唔好果面
  • 乜有人話要同份工過世咩?根本大部分都係玩幾年玩夠就走 樓主講到要考慮清楚先入行笑大人個口咩
  • 唔係話唔比幫客放行李上 overhead locker 咩 之前我放個 1x kg 既 backpack 都冇人幫我(網民回應:明文係唔俾 但好多時佢地會希望乘客快 D 坐返低唔阻住起飛會快快手幫佢地攞埋)
  • 可以去唔同國家比人_(文字經過處理)
  • 走水貨你唔講?(網民回應:走埋水貨緊係唔止萬尾啦)
  • 食洋腸姐(網民回應:好煩 要食做 office 咪仲易食到 日日收工落 lkf 食)
  • 得喇得喇,空姐最_辛苦,滿意未(文字經過處理)
  • 情況同做警犬一樣 女諗唔到做乜 又不甘打份普通寫字樓 又覺得自己與別不同(比人地靚/高)
  • 其實無得_都唔洗酸成咁 我覺得。下下話人係飛_。(文字經過處理)
  • 係咩? 飛_!(文字經過處理)(網民回應:咁又何必呢)

 

Source:LIHKG討論區

相關文章

Page 1 of 21