Uber 司機苦主有冤無路訴?老外坐 Uber 毀車身不賠償

| Kay | 09-04-2018 16:04 | |

Uber 已被世界各地不同城市承認為交通工具的一種,像的士一樣可合法地接載乘客及收取酬勞,但在香港呢?就被受聲稱大力推動創新科技的香港政府不斷打壓,創新及科技局局長楊偉雄更曾表明「Uber taxi 業務違法,Uber eat 業務合法」。因此在香港的 Uber 司機要開展 Uber 業務,除了有被拘捕的嫌疑,也有可能遇上差劣乘客弄壞或弄髒愛車,近日就有一位 Uber 司機在 FB 群組出 post 大呻老外乘客毀壞其車身群邊之外,這位老外更理直氣壯地跟樓主講:「call police, but uber illegal」,之後施施然返回家中,當作沒事發生。

【精選消息】Uber 自動駕駛車撞死途人!網民:太依賴科技的後果

【精選消息】【多圖】超級英雄在中國的生活 網民:真慘

當然,這位 Uber 司機定是氣憤難平,在 FB 群組出 post 後不久,已得到不少網民「留名跟進」,有部分撐樓主留言提到:「認同一單還一單,就算差佬係告都係分開兩單嘢,點都同條 X 人死過」、「照報警,真心唔怕,直接同阿 sir 講話接客,個客因為行程上有爭拗,所以蓄意整壞,到時個鬼驚過你」!

在這個 FB post 中,事實上真有網民想知樓主最後能否 claim 返錢。之不過也有網民建議樓主面對現實,切勿期望跟 Uber 投訴會有正面結果,又或者該位老外乘客會願意賠償,因為「阿爸(Uber)一早講咗有事佢哋係唔負責任」。另外也有人指出:「就算車撞車,包圍都係冇得 claim 架啦。」,希望樓主小事化無。

不知大家會否覺得這位 Uber 司機苦主是有冤無路訴呢?不如看看網民有何看法。

撐樓主留言:

「照報警,真心唔怕,直接同阿 sir 講話接客,個客因為行程上有爭拗,所以蓄意整壞,到時個鬼驚過你」

「一樣還一樣,佢點都大鑊過你」

「認同一單還一單,就算差佬係告都係分開兩單嘢,點都同條 X 人死過」

「遇事最好即錄低經過,再 send 俾 Uber,或者有得賠......雖然渺茫......」

「佢大到你姐,你係隻鬼面前同阿 sir 講話堅持要告佢,最多一齊死,大番隻鬼轉頭」

建議樓主面對現實:

「阿爸一早講咗有事佢哋係唔負責任,叫你報警處理」

「就算車撞車,包圍都係冇得 claim 架啦。」

「路係自己揀」

「總之,你報 Uber 係無 X 用嘅,佢係一定唔會理你」

「五個字:『啞仔食黃蓮』,揾埋都係益咗車房。個 X 人都知點玩,爸爸永遠話:囝囝揸多幾轉揾得返,個 X 客一樣 call 到車」

對於這位 Uber 司機苦主的慘況,普遍留言是建議樓主面對現實,覺得 Uber 不會就樓主苦況作出任何處理。

Source: Uber 司機 & X 客大本營之黑幕重重 Facebook

相關文章

Page 1 of 21