上台無人吼？「4」字頭號碼搶先殺到儲值卡

收到「4」字頭的電話唔使驚！因為通訊辦已於 2 月推出約 630 萬個「4」字頭的新流動電話號碼。不過，邊個會咁「重口味」揀「4」字頭？原來率先用「4」字頭號碼的係儲值卡。

小記日前在「鴨記」所見，「4」字頭電話號碼率先出現在 SmarTone 系的儲值卡上，通過包裝可以看到；另外亦有 CMHK 的部分儲值卡，插卡後系統分派號碼先至知，大家無得揀！

各網絡商門市，暫時未見有擺「4」字頭號碼俾大家揀，亦相信會揀嘅用戶唔多，所以預計都會擺去儲值卡市場用。至於同樣在 2 月份推出的 250 萬個「7」字頭、180 萬個是「8」字頭號碼，暫時未見有卡用或門市有得揀。

Source：ezone.hk