裝修攻略 10 大法則 設計公司唔要都得

| 柔之拔 | 02-04-2018 21:58 | |
裝修攻略 10 大法則 設計公司唔要都得

置業裝修墮騙局,是不少成年人的熱門話題。網民「青蔥頭」日前在香港討論區發帖,題為「裝修不被騙嘅十項法則」。他表示自己「搬過數次屋。對裝修價錢和經驗有點心得,想和大家交流分享」,並列出了 10 大「裝修攻略」。絕非青頭的「青蔥頭」更以「小弟」自居、又指寫得唔好要「見諒」、「不喜勿插」云云。以下節錄「青蔥頭」提出的裝修攻略 10 大法則,打算裝修的你,值得參考。

裝修攻略 10 大法則

1. 新樓不裝修

「人家發展商送的基本裝修雖然唔係最頂級,但包執漏,不收額外費用,如果再花大量金錢裝修,一來不合乎經濟效益,二來也不環保。建議住上幾年后才裝修。」

裝修攻略 10 大法則 設計公司唔要都得
新樓裝修不環保?

【精選消息】

2. 不要訂造傢俬

「只有廚房嘅櫥櫃才有訂做嘅實際需要。如果因為房間細小空間不足,而訂造傢俬,例如吊櫃,榻榻米等等,好多時候出嚟不好,感覺間屋仲洗(細)咗,二來將來轉手賣出,訂造嘅傢俬好多時候不合乎新買家需要。造成被壓價和較難賣出。」

裝修攻略 10 大法則 設計公司唔要都得
有網民認為只有廚櫃是需要訂造。

3. 設計公司食水深

「搵設計公司等於倒錢到鹹水海。現在資訊發達,裝修個案琳瑯滿目,實情冇必要搵設計公司,他們食水太深,如果要裝修,建議直接搵裝修公司便可。」

【精選消息】

4. 裝修全爆 HK$30 萬

「如果搵裝修公司,遇到個正常嘅外判,正正經經地做,實用 500 幾尺嘅單位,裝修其實只係需要 20 至 30 萬,係唔計料嘅情況下,包全「爆」,所有電制位,更換水喉防水,做埋廚房廁所。坦白說,真係好多相關嘅個案,只不過人哋唔會放出嚟同大家講。」

5. 中國的優質地磚




「地磚不一定要外國貨,一些優質嘅中國品牌,質素唔會差得去邊。但係價錢可能平兩三倍,真係唔值得。」

6. 廁所最重要




「全屋最重要係廁所,放水係重中之重。千其唔好輕重不分,集中喺客廳飯廳睡房視覺上嘅裝修設計。」

裝修攻略 10 大法則 設計公司唔要都得
廁所裝修至此,耆英必讚!

7. 鋪牆紙必後悔

「千萬不要鋪牆紙,必定後悔。」

【精選消息】

8. 燈光效果

「燈光效果比裝修設計有時還要重要,一些 LED 燈,燈糟,能製造出相當柔和嘅燈光效果,每天放工後多數晚上在家,所做出嚟嘅燈光效果係絕對影響生活質素。」

裝修攻略 10 大法則 設計公司唔要都得
好的燈光效果,能夠提升家居生活質素。

9. 顏色風險

「最近污糟嘅顏色,其實係白色,選色係裝修設計重要嘅- ,但如果怕太突出,白色,襯米黃色、黑色、深藍色和灰色係最穩陣嘅設計。至於啡色嘅設計,好考功夫,淨係「心扉啡」、中啡和淺啡,所出嚟嘅效果已經好唔同,啡色其實係有風險嘅用色。」

10. 電器唔可以平




「最後一點同大家分享嘅就係,電器一定唔可以平,我甚至唔反對用名牌電器,一個好嘅抽油煙機,焗爐,煮食爐,冷氣機,係絕對影響同埋可以提高大家嘅生活質素。」

 

Source:香港討論區

相關文章

Page 1 of 11