日本民宿 6 月合法化 網民預訂無牌民宿上網求救

| 柔之拔 | 22-03-2018 23:49 | |
日本民宿 6 月合法化 網民預訂無牌民宿上網求救

日本政府通過《住宅宿泊事業法》,今年 6 月起民宿合法化;允許住宅以 Airbnb 等的民宿方式租予旅客,民宿全年營業上限 180 天。網民「床上濃濃的小腸」日前在香港討論區發帖,題為「2018 年 6 月後日本民宿出事了」。「床上濃濃的小腸」表示,日本將於今年 6 月立法監管無牌民宿,「但小弟就係 7 月响 airb&b 訂左大阪 8 晚民宿,而該民宿很定無牌,小弟好想取消訂單,大家有試過係 airb&b 取消訂單嗎?」

「床上濃濃的小腸」又問:「如果繼續租住上述無牌民宿,大家有咩意見呀?可信嗎?而我租住該民宿平分及評論十分好」。網民積極留言,但以查詢為主,節錄如下:

Airbnb 多數冇牌?

  • 聯絡 Airbnb 及屋主
  • 唯有住酒店啦
  • 好彩係 5 月去,book 左太久保 airbnb,最後一擊
  • 多謝通報
  • 好彩未 book
  • 我訂左福岡,問左屋主,佢話會申請牌照,叫我不用擔心...唔知堅唔堅
  • 請問點知間民宿有冇牌?jalan 那些是否冇問題
  • 我問屋主,到而家都未覆 但我唔係 bnb 係 fb 果 d 個人,叫日本民宿 x 福 有網站

樓主表示:「如果係 bnb 訂,多數冇牌,有牌果 D 貴大約 1 倍」。

【精選消息】

單方面取消訂單?

他續稱:「依家我都好擔心,如果現在我单ㄧ方面取消就冇左ㄧ半房價,為有等屋主如何處理,因新聞所講,如發現有違規会重罰屋主,希望佢可以處理到」

網民:「無錯!無理由自己 CUT 比佢食一半錢!又唔係我唔去,係佢提供唔到服務!」、「捉到罰屋主錢遮. 係至驚佢臨近日子.先通知你封舖就福佳勒.」

另有網民表示:「我都一早 book 左七月住新宿!」樓主:「師兄你ㄧ定要向屋主了解下」。

【精選消息】

想寫英文信俾民宿

「床上濃濃的小腸」還有「小小請求」:「因本人英文不太好,可否有心人直接 PM 本人怎樣用英文向屋主查詢有关以上係日本監管民宿事件同屋主對此事件有何提意及保救方法 ? 如果退款又怎呢」,勁堅!

有網民表示:「我試下啦,同埋我而家喺日本住,你洗唔洗我幫你call下個業主?」

樓主:「帥兄,暫時不用啦,吾該,如果你英文可以的話,請 PM 我」;又追問:「師兄,你身在日本,有否留意到以上嘅信息响政府方便会否嚴厲打擊無牌民宿呀?同埋会否針對大阪市呀? Thx」惟未獲回應。

Airbnb 冇回應? 

網民:「但呢單野 BNB 果面又無乜聲明同回應!一樣仲有六月後既日子 Book!」樓主:「BNB 已確認係 6 月後吾会再有接受無牌民宿在該網站登記」。

其他網民亦支持「民宿合法化」:「咁咪好囉. 即係清洗不合規格的. 餘下的會合規例..」。

【精選消息】

日本民宿有限制

日本政府去年通過《住宅宿泊事業法》,將於今年 6 月起,允許住宅以民宿方式租借予旅客使用;民宿的全年營業天數上限為 180 天。考慮到地區治安問題,地方政府可自主對區內民宿加設限制,例如限定營業地區和營業日等。

目前日本 150 個地區自治政府中,有 52 個已制定或準備制定額外條例限制。例如:東京都大田區、神戶市計劃全年禁止在住宅用地經營民宿;東京目黑、中央兩區,禁止在工作日期間經營民宿;京都內傳統房屋的「京町家」可全年經營,但其餘住宿只可在 1 月中至 3 月中旬的旅遊淡季經營。

 

Source:香港討論區, hket

相關文章

Page 1 of 11