今日（3 月 21 日）多間本地傳媒報道，政府擬向月入低於個人 HK$1.55 萬元、兼沒有申領任何政府津貼的成年港人「派錢」，上限為 HK$2,000 元，實行財政司司長陳茂波在今年《財政預算案》公布後，承諾「補漏拾遺」的措施。消息指，有關措施預計在月底公布，透過關愛基金向特定群眾派發現金津貼，約有 200 萬港人受惠，而本身已領取綜援、低收入津貼及長者津貼的人士，已有「三糧」的人士，則不會再獲派錢，免出現雙重得益。此新聞一出，固然又成為網民焦點，不過網民認為「派錢」理應是皆大歡喜的事情，前財政司司長曾俊華曾試過全民派 6 千，但如今財政司司長陳茂波的派錢銀碼只得 2 千，兼只得一小撮人受惠，因此在眾多網民留言中，不乏「不如唔好派」、「傻的嗎篩選派得 2 千幫到乜」等鬧爆言論。
【精選消息】日本無印 2018 七大熱門商品排名！第一名竟是……
【精選消息】 嚴選人工最低 + 最霉行業
早前財政司司長陳茂波曾於《財政預算案》記者會表示：「比起全民咁一刀切派錢唔係我所信嘅嘢」，不過受着不同政黨及團體要求派錢的訴求，於是以上傳聞應運而生。雖然現時「月入 ＄1.55 萬之 18 至 65 歲人士獲派 2 千」消息還未正式確認，但網民一致認為財政司司長陳茂波此舉並非萬全之策，大鬧「全民派 6 千啦 XX」、「慘 X 到仲要唔比過 15.5K 嘅月入先有得收」、「派得 2,000 都傻的嗎，個成本隨時高過本金」，比比皆是。
此外，有網民認為「派錢嘅精粹係人人有份多筆意外之財，製造短暫社會和諧，你得部份人有只會製造社會撕裂」之外，亦不解月入何解要定為 HK$1.55 萬，而非現時入息中位數的 HK$1.68 萬。更有網民笑言：「正正經經聽工聯會全部派 3K 咪算」，或許真可以 TVB BBQ 大團員結局收場？
網民鬧爆實錄：
「全民派 6 千啦 XX」
「慘 X 到仲要唔比過 15.5K 嘅月入先有得收」
「派得 2,000 都傻的嗎，個成本隨時高過本金」
「二千不如唔好派」
「正正經經聽工聯會全部派 3K 咪算，整乜 X 嘢月入中位數，食 X 錯藥？」
「派得嗰二千，鬍鬚曾都派六千啦」
「有篩選派錢已傻的嗎，點解用中位數劃線又有排討論」
「香港比起澳門真係 cheap 到喊」
「派錢嘅精粹係人人有份多筆意外之財，製造短暫社會和諧，你得部份人有只會製造社會撕裂」
「真係寧願佢攞筆錢去起醫院」
「月入 HK$15,500 仲要無申請過其他嘢，實際會有幾多人？仲要得二千，同唔派有乜分別？無錢就話頭痕，有錢都唔識用，仲好意思話好過曾俊華」
「感謝司長陳茂波提供笑話。」
