腦細林日曦千字文談毛記上巿 被人睇死所以要更努力?

| Siu Yeung | 16-03-2018 19:36 | |

去年《100毛》母公司「毛記葵涌」申請上巿,掀起一陣熱話。雖然曾一度失效,但今日「毛記葵涌」(香港聯交所股份編號:1716)宣布擬於主板上市,並開始招股。自從去年申請上巿曝光以來,腦細之一的林日曦一直沒有多談此事,但今日終於在其 facebook 專頁,以「千字文」大談上巿感受,表明自己是「Loser」:「畀人睇死,係呢個世界最爽嘅一件事,因為當別人忙於取笑你批評你嘅時候,你就可以爭取時間繼續努力做好自己。」

林日曦一開始就表示,自己其實不太懂上巿規則,大部份事宜都是由 partner負責搞。由於怕「開口夾著脷」,所以之前一直沒有多談。文中主要有兩個重點,第一是談及一些「膠事」,例如為何叫「毛記葵涌」,號碼碰巧抽中又「7」又「6」等,而另一重點更受網民注意,就是林日曦表示,被人輕視睇死,反而會令自己更努力。

【網絡熱話】李嘉誠退休極速被清潔龍阿德抽水!「聽日準時清潔啊」

【生活情報】HKTV《來生不做香港人》下月登陸奇妙電視 77 台

林日曦先談及兩年前的往事,當時在 ViuTV 一個節目中,有人批評《100毛》:「你嗰本咁嘅雜誌仔,就釘啦,睇佢捱到幾耐啦!」他直言不是記仇,而是「要感激每個否定你/打擊你嘅人。」「其實我呢世人都真係遇過好多唔同程度嘅否定同打擊。有啲係惡意打擊,有啲係善意否定,原來到頭來全部都某程度上幫緊你。」他自白表示,自己個性向來反叛,而且不時都是個 Loser,做很多事都會被批評。「每次不爽完一下之後,我又會真心感激佢地,因為,有啲係真心善意批評你嘅,總會令你有嘢學,令我更瘋狂努力咁去做好每一件事。咁做好咗咁又點?冇㗎,有時會成功,有時會失敗。失敗時咪最多做返一個 loser,即使做 loser 都好,起碼努力搏命過,感覺就是爽。」

文末林日曦勉勵其他「失敗者」:「如果你都遇過被打擊被否定,如果你都曾經覺得自己某程度上係一個 Loser,千祈千祈千祈唔好氣餒。畀人睇死,係呢個世界最爽嘅一件事,因為當別人忙於取笑你批評你嘅時候,你就可以爭取時間繼續努力做好自己,到頭來都失敗咁點算呀?冇事,大家一早都睇死你,有乜所謂。但萬一你有樣嘢得咗呢?」

對於這篇感言,不少網民都讚好,留言包括:「搞到我男人老狗撘撘下巴士睇到感動到濕哂!?對眼!」、「2 千幾銀當射落海都要支持你啦!」、「寫咁長!撞鬼咩!不過我竟然睇哂,唔恭喜你,因為仲有大把世界捱同大把睇死你嘅屎忽鬼,總之努力做和hea就是」、「呢篇status 好睇過好多自傳」等。

Source:林日曦

相關文章

Page 1 of 21