【李嘉誠退休】長和記者會李嘉誠金句合集

| WAH | 16-03-2018 17:59 | |
【李嘉誠退休】長和記者會李嘉誠金句合集

李嘉誠退休了!今日,李嘉誠宣布,退任長和及長實集團的主席,由長子李澤鉅接任。在記者會上,宣布退休的李嘉誠金句連連,記者亦連返追問敏感問題。李嘉誠亦幾乎有問必答,除了關於退休的問題,亦對香港政治、高鐵、樓價等問題作出回應。

【精選消息】李嘉誠真的退休了!網民問:李氏力場會否失效?

【精選消息】李嘉誠退休極速被清潔龍阿德抽水!「聽日準時清潔啊」

【精選消息】泳衣美女危坐天台拍片呃 like?網民唔撐:跌死無得怨

關於「樓價見頂未?」

「呢樣野我絕對唔敢講……樓價同一般市民收入脫節,尤其我地需要多 D 居屋多 D 公屋,令普羅大眾都唔會因為住嘅問題令到生活有困難。」

關於「買唔買樓?」

「在我嚟講,如果係自己個人經濟無問題,佢係應該買屋,佢買佢自己鍾意嘅屋。」

「政府方面,亦都盡晒力,去爭取多 D 土地,嚟應付普羅大眾需要……能夠多 D 快 D,就係我所希望嘅。」

關於「他出任公司資深顧問角色」

「乜野都要我呢個顧問嚟做,咁我點解要辭職?亦都唔公道,我由12歲開始做野,做到今日 78 年……」

關於「會否坐高鐵?」

「我一定會坐高鐵……我去汕頭,我坐高鐵。」

「有時在汕頭我返嚟,你可能個 landing 都無地方畀你 land,你仲要在上面打飛機轉打幾耐。」 

關於「一地兩檢」

「絕對絕對,一地兩檢係啱嘅事。」

關於「近年香港法治受到衝擊」

「一國兩制呢,大家都坦白講,有一國然後有兩制。」

關於「同中央關係」

「我同中央關係幾好,呀,講晒,但我人絕對唔會講 D 唔應該講嘅說話」

關於「細仔李澤楷」

呀 Richard 呢,個件野,佢一日忙到不得了……佢自己呢,北京政協係佢自己呢,真係忙到呢,無去開會,好少去開會,呢個係事實,但絕對唔係佢唔愛國家,佢都係好愛國家嘅人,離題太遠喇!

【精選消息】 測試報告! 11 款樽裝水含塑膠可致癌、精子數目下降

【精選消息】麥當勞榮登大陸最討厭外國品牌冠軍!最喜歡品牌是哪個?

關於「林鄭表現」

「我對林太呢,我認為佢做得好好,佢已經盡心盡力為香港做事。所以呢,批評容易,但做就好困難,所以呢,對阿林太做嘅嘢,我自己嚟講就感覺佢全力做好。我相信佢工作的時間,比你同我都長,呢點大家要 appreciate。」

關於「女仔要求男友有樓」

「譬如,一個大學未畢業嘅,我記得佢,佢個女朋友同佢講,你如果無樓我唔同你結婚,係咪,如果咁嘅諗法,如果我做男嘅,你依家趁後生你快 D 搵第二個,講晒喇!」

關於年青人想問「點解我老豆唔係李嘉誠?」

「因為戰爭,嚟咗香港,我 12 歲就要做嘢,我未夠 14 歲佢就過身……我爸爸過身,我一個人負擔個家,我細佬妹都係讀大學,你顧自己之外,你個家都應該放在心上。」

關於「出自傳」

「我講真話會得罪好多朋友,但我講假話我點解要出?」

Source:ezone.hk
Photo:nowTV 新聞電視截圖

相關文章

Page 1 of 11