玩命女走上青馬大橋影相?網民突破盲腸:P圖

| WAH | 15-03-2018 18:41 | |

嘩,玩咁大!?今日有網民,於「巴打絲打 Facebook Club」專頁上載一張圖片,圖片可見,一位疑似女子(有網民話係男人)懷疑走上青馬大橋主鋼纜上,手伸向後拖著另一人手,背對鏡頭影相。帖子附上「嘩,玩咁大」說明。先講明,如此未經許可、沒有佩戴安全帶的情況下走上青馬大橋主鋼纜,實在太危險,大家切勿模仿。畫面如此震撼,自然吸引網民留意。帖子發出後 5 小時,已獲超過一千個 like 或表情,並有數十個分享及過百個留言。不少網民高呼危險,亦有人想知是如何上到去這個位置,但更多人表示這是「P 圖」。

【熱門報道】下周狂風雷暴!周四氣溫急跌 11℃

有網民就把圖片放大,集中看圖中女子的右手,似是暗示手指「P 得太長」,有其他網民就表示「拉長個人連埋手指」。另有網民認真分析:「Photoshop 技巧唔錯了,不過你本身企嘅係水管,同條橋嘅枝管唔同,仲有光線角度 女仔正面應該有光,隻手掂住嘅鋼絲同橋頂鋼絲有出入,仲要企到咁高,一定有氣流,頭髮同條裙仔照計會飄起,仍有改善空間」事實上,青馬大橋這個位置確實會有維修人員上去,至於是否 P 圖則難以定斷,只能說,若果是真的走了上去,實在太危險了,唔好學呀!

Source:巴打絲打 Facebook Club

Page 1 of 13