抵爆定鬧爆?HK$58 美國安格斯牛扒下午茶放題惹負評

| Kay | 14-03-2018 17:10 | |

近日網上流傳的 HK$58 安格斯牛扒下午茶放題,的確真有其事,由即日至 3 月 31 日的下午茶時段(下午 3 時至 6 時),於 Olive Cafe & Steak House 餐廳的黃大仙現崇山分店供應,用餐限時 1 小時。在餐廳 menu 可見,HK$58 下午茶放題除有美國安格斯牛扒外,也有意粉、沙律、漢堡、雞翼、薯條及多項甜品供應,如多加 HK$10 更有飲品任飲,難怪有不少網民搶着光顧!之不過在餐廳 FB 留言之中,不太見到網民大讚下午茶放題 CP 值甚高,反而鬧爆「去親都無位」、「兩點半去已經話排到 5 點後,仲話未必有位」佔多數,似乎網民的平價食好西大計,跟預期有點出入。

【精選消息】試食麥當勞 1 日限定野莓吉士批!慶 Pi day 所有批類$3.1

【精選消息】日本和牛燒肉名店 Beefar's 抵港!試食「4% 奇跡之牛」

雖然留言之中都有網民讚「幫襯過兩次真心正」、「有帶 BB、侍應很好又體貼,攞櫈畀我坐畀 BB 食奶」,但多數網民的情況是等不到位,懷着悲傷心情離去。「今日去到 3:15 掛牌話截人」、「我放棄了來......平日來了兩次幫 full,算了吧」,甚至有網民大鬧「去到排隊又話冇位,又冇電話問有冇位,我來過兩次,兩次都係兩點半來到,都係排唔到隊入去食」,意味光顧人數眾多之外,餐廳座位安排也欠完善,讓這麼多的顧客失望而回。

有網民建議餐廳應該設派籌制度,以便有興趣的朋友可以適時輪候,不知經常留意及回覆留言的餐廳 FB 小編,收到顧客意見嗎?

網民留言如下:

「幫襯過兩次真心正」

「有帶 BB、侍應很好又體貼,攞櫈畀我坐畀 BB 食奶」

「今日去到 3:15 掛牌話截人」

「去到排隊又話冇位,又冇電話問有冇位,我來過兩次,兩次都係兩點半來到,都係排唔到隊入去食」

「去親都無位」

「兩點半去已經話排到 5 點後,仲話未必有位」

「去親都冇位,$ 廣告,完」

「根本大把吉位,二人坐四人檯,一人坐二人檯,為何不可搭檯?」

「一早去排都未必有位,嘥氣」

「好心就派籌啦」

HK$58 下午茶放題主食有迷你漢堡、意式茄汁蝦肉意粉,以及最受歡迎的安格斯牛扒。

甜品方面都有 4 款選擇,以 HK$58 下午茶放題而言,算是吸引。

由於下午茶放題只是 HK$58,多加 HK$10 更有飲品任飲,因此吸引不少網民想精明 tea 一 tea,試試 CP 值夠不夠高。

可惜在眾多留言之中,不太見到網民大讚下午茶放題 CP 值甚高,反而鬧爆「去親都無位」、「4 時 35 分去到都話 full」等。

Source: Olive Cafe & Steak House Facebook

相關文章

Page 1 of 17