抗議 Uber 搶生意!3 月 15 日早上的士慢駛遊行

| Knight | 09-03-2018 21:21 | |

雖然《Uber(優步)》已成為不少市民日常的代步工具之一,可是《Uber》目前在本地未算完全合法,而警方以往也曾進行「放蛇」行動,拘捕《Uber》司機和扣押車輛,藉此打擊「網約白牌車」。與此同時,《優步》興起也影響到的士司機的生計,「的士司機資訊網 Taxi」Facebook Group 最近流傳的士車行和司機,將於 3 月 15 日(周四)早上發起名為「打倒白牌車,Uber 滾回美國,全港的士大遊行,抗議運輸署縱容白牌車非法載客」的「反 Uber」遊行抗議活動,參與的士數量多達 5,100 架,相信會對當日早上繁忙時間的交通構成影響。【3 月 13 日更新:「反對白牌車大聯盟」已於 3 月 13 日召開記者會,確認會在本周四(15 日)舉行全港的士大遊行。】

跟據「的士司機資訊網 Taxi」Facebook Group 的資料,3 月 15 日由早上 8 時至 12 時,參加遊行至金鐘添馬添美道 2 號政府總部的的士數量將多達 100 架,另有 5,000 部的士將會在各區慢駛,預期會對早上繁忙時間的港島交通,構成較嚴重的影響。去年 3 月中,的士司機也因為政府推出「專營的士計劃」,曾發起過類似的遊行抗議行動,多達 500 輛的士集結在政府總部和港島中區一帶。

【精選報道】Samsung 2018 年 Q 系電視融入牆身

【精選報道】台灣網上瘋售假 iPhone!估計不法獲利逾億元

「的士司機資訊網 Taxi」Facebook Page「反 Uber」的士遊行原帖。

網民意見

  • 網民 A:全港車主免半日租,幫補油費,叫晒各車手去行圈,我估仲有效!
  • 網民 B:打 Uber?不如先打打折的先啦!
  • 網民 C:問題係政府官員自己都坐 Uber,點搞?點解折頭車打極都有,差佬落班咪又係普通市民。所以搞唔掂!
  • 網民 D:牌價跌車租跌好吖,做乜要遊行?由得幾家鬥邊面好搵就做邊面,咁熱血做乜?
  • 網民 E:建議的士罷駛 1 個月,等啲乘客知道的士重要性!
  • 網民 F:不如叫啲司機大佬檢討一下自己的駕駛態度,又或者工作態度先吧!如果覺得過得自己又過得人先去考慮擺駛吧!先唔好講車資,點解咁多人寧願等 Uber,都唔寧願坐係街等正在等客的空的士呢?
  • 網民 G:點解要司機去遊行抗議保車主牌價?我都唔知幾望牌價跌,跟住自己做車主,起碼自力更生,唔使賺賺埋埋幫你哋供車!幫你哋供不如自己供,起碼供完係自己既!
  • 網民 H:我唔怕 Uber,因為我有服務,乘客好喜歡坐我車,相反我覺得要打倒 859 定食 Apps!
  • 網民 I:Uber 係德國㗎喎!
  • 網民 J:好快國家嘅滴滴會合法化,到時牌價大跌,司機平租車,死嘅只係炒的士牌嘅!

Source:HKET(主圖)、「的士司機資訊網 Taxi」Facebook Group、ezone.hk

相關文章

Page 1 of 21