【高階駁咀】父用對聯罵母 子向巴打求救

| 柔之拔 | 14-02-2018 01:26 | |

是咁的,網民「時光倒流一百年」日前在 LIHKG 討論區發帖,題為「父母嗌交 老豆寫咗句對聯 點駁返佢」。該網民在帖子表示:「老豆老母嗰個年代嘅婚姻都幾求其,可以話女方願嫁、男方願娶,就成婚。咁老豆嗰邊就成日蝦我媽話佢窮,嫁過嚟係為錢,老豆又唔太理我媽,又唔太顧家,呢排成日嗌交,琴日終於大戰咗埸,咁大家冷靜咗之後佢就喺家族群 send 咗句:

『情空空,愛空空,錢空空,空手而回。仇滿滿,恨滿滿,苦滿滿,滿載而歸。橫批,年年難過。今年的對聯。』」

收到才華老豆的對聯,阿仔居然上討論區代母求救,問「點可以對返佢 同埋説服老豆顧家啲 令家庭和睦啲 請出招」,附以一個三跪九叩的 emoji,網民可以坐視不理嗎?

不可以。

【精選消息】嚴選十大人生道理 網民:只有父母先會以你為中心

【精選消息】NBA 免費任睇一個月 包括 All Star 全明星賽 2018

不少網民大方表態等睇「高階駁咀」!因此,鬼才網民們立即現身,踴躍留言,鍵盤相助,盡見江湖情義!廢話少說,節錄創意駁咀對聯如下:

「仇空空,恨空空,苦空空,空手而回。情滿滿,愛滿滿,錢滿滿,滿載而歸。橫批,年年難過。今年的對聯。」

將空同滿調轉send返比佢咪得 一念之差而已

子又有,女又有,家又有,有家有室。金長缺,銀長缺,錢長缺,缺食無衣。 世世不見

人重重,家重重,國重重,重責難捨。
權輕輕,財輕輕,名輕輕,輕描淡寫。
橫批:焉分輕重

妻貧貧,子貧貧,心貧貧,貧嘴薄舌。恩富富,愛富富,靈富富,富貴尊榮。

你老母,你老母,你老母,_你老母。
你老豆,你老豆,你老豆,_你老豆。(文字經過處理)

兒傷傷,母傷傷,父傷傷,傷心欲絕
日長長,年長長,命長長,長相廝守
橫批:時時忍耐

情長久 上輩緣 緣份來 不可逆天
子女福 滿子孫 兩老情 先苦後甜 
直批 放下仇恨 呢世既對聯

天茫茫,意茫茫,路茫茫,茫茫人海。
心清清,慾清清,愛清清,清茶淡飯。
橫批:相愛很難。

下雨天留客天人客人我留不留

_短短 命短短 腳短短 短小精悍 橫批 餵我唔飽(文字經過處理)

有網民認為:「諗完對聯 好諗下搞離婚個 d 啦 send 出去都僵」

【精選消息】【網絡熱話】老婆幫不到手 男人真是會很辛苦

其它頂癮留言

  • 1句_西個陣唔見妳咁講 就完啦(文字經過處理)
  • 如果你老豆真係有錢 應該唔會咁介意你老母嗰邊冇錢 (樓主回應:我阿嫲睇唔起人)
  • 晒_鳩氣 打咁_多字做乜_野 老而不真係寧捨麻煩(文字經過處理)
  • 王爺去左太師府發難渣
  • 留名等睇連登仔促進家庭和睦
  • 唔拆散人地頭家都偷笑啦
  • 人長久月長圓春長在,家永睦心永富福永生。

Source:LIHKG討論區

相關文章

Page 1 of 21