【大跌市】港股中午跌 1594 點!網民:不要怕是技術性調整

| Hin | 06-02-2018 12:49 | |

美股連續兩日大跌,港股雖有「北水」力撐,但仍難逃大跌市,今日恆生指數截止中午收市報 30,651 點,跌 1,594 點。無論是重磅的藍籌股如騰訊、平保、港交所等跌幅超過 5%。此外,內銀股亦重創,建行及工行均跌約 6% 左右。

今次港股大跌市,一跌就跌近千多點,究竟一眾網民散戶又怎看是次大跌市呢?部分網民就相當鎮定,留言表示當由 12 月二萬八千點左右,升至現在累計近 4 千點左右,現時跌幅只是一半左右,屬技術性穩固,由表示美股只是電腦觸發斬倉,叫大家安心過年好過!有的網民留言表示,外面班散戶還望愈跌愈有,好讓他們趁機入市,更謂沒有了以前跌千多點就呼天搶地的狀況。而有心水清的網民更表示,上年年尾散戶趁升浪都已經賺都笑,而家「嘔」番少少出嚟,又真係無乜好驚;況且叻嘅散戶見到升浪升至 3 萬幾點,一早就知個股市瘋了,有晒心理準備會跌。

【精選消息】杜如風九州 4 日鴨仔團索價 13888 港元!坐廉航「可失蹤」捱批

【精選消息】政府將推 4、7、8 字首流動號碼!40709394 有無人想要?

之不過,也有一眾網民呼天搶地表示唔好過,尤其係買牛熊證的一批網民,因是次跌幅而「打靶」收場,更表示又要上 IFC 天台排隊。又有網民希望「阿爺」快快出馬救救香港人,令股市重上 3 萬 3 千萬水平,大家過肥年。最後,小記係度奉勸大家一句,投資涉及風險,證券價格可升可跌,大家要量力而為。

Source:hkgolden、lihkg

相關文章

Page 1 of 21