就到農曆新年，屋企一定唔少得大掃除，唔知大家有冇搵到一本本又厚又黃嘅陳年舊相簿呢？數碼相機出現之前，以前影相就要把菲林沖曬出來保存。舊相片會隨著時間而老化、褪色、變黃，甚至破損。今次 ezone.hk 就為大家實測 3 招舊相大翻新：Capture.HK 舊相數碼化服務、免費手機 APP、免費 AI 圖像放大軟件！事不宜遲，即刻開始！
即刻【按此】，用 App 睇更多產品開箱影片
2024 舊相翻新 01. Google PhotoScan
第一樣為大家實測 Google 推出嘅一款免費 App ： Google PhotoScan。作為一個專門掃描舊相嘅 App ，唔洗半分鐘就可以輕鬆用手機完美掃描舊相，而且自動數位處理後，舊相嘅色彩經過調整，更鮮豔亮麗。目前 Google PhotoScan 都可以喺 Android 與 iOS 系統下載。
2024 舊相翻新 02. Capture.HK 舊相數碼化
Capture 是在香港提供最先進的舊媒體數碼化服務供應商，提供幻燈片和其他舊媒體的數碼化服務。有別於頭先試嘅手機 App， Capture.HK 提供上門收相簿服務，唔洗再喺舊相簿拆舊相出嚟逐一 scan。修復效果亦都相對出色，除咗基本相片去黃、色彩還原之外，畫質夠晒高清。最後仲會幫你上傳相片儲存到 Google 相簿，或者 USB。早前 Capture.HK 更推出首款 AI 個人化電子相框「The Frame」，只要下載專用的 iOS 或 Android 手機APP，連接 Wi-Fi 就可以上載相片，用電子相框重溫美好回憶，相信會係一份窩心又溫馨嘅禮物呀！
【按圖】Before：
【按圖】Capture.HK 數碼化後：
2024 舊相翻新 03. AI 圖像放大軟件 Upscayl
最後一招！同大家實測免費 AI 圖像放大軟件，Upscayl 可以安裝在 Windows、 Mac、 Linux 等系統中。如果需要將舊相檔案進行「放大」，提升解像度，呢個軟件就幫到你！利用 AI 演算嚟放大圖片解析度，小圖放大成 4 倍的大圖，甚至最高可以放大到 16 倍！並且在放大時盡量維持圖像原有細節和清晰度。效果明顯出色，咁就唔洗再驚拉大張相之後「矇查查」喇。
【相關報道】
Source：ezone.hk