近年，政府與科技界近年大力推動 Web3，當中一個主要元素不得不提 AR。AR 全稱 Augmented Reality，即「擴增實境」，與 Web3 結合，便可以為互聯網帶來更互動、沉浸式的體驗。現時有不同應用方案逐漸拓展消費者市場，融入我們的日常生活當中。今次 ezone.hk 邀請了 IM-Booth CEO Ingo 跟我們分享一下。想知更多，即睇內文！
即刻【按此】，用 App 睇更多產品開箱影片
IM-Booth CEO 專訪
Q1: AR 俾人感覺好似好科幻，但見你地參加咗唔同展覽擺Booth，令呢件事好貼地咁呈現俾公眾，好似元宇宙即影即有自拍機（Metaverse AI Selfie Booth ）、AI 拍攝機（AI Video Photo Booth）等；當中都善用咗 AI 同 AR 技術，同傳統嘅 Photo Booth 截然不同。好奇一問，點解當初會有呢個念頭，將 AI 同 AR 技術融入服務呢？
因為我哋原本做虛擬製作（virtual production），咁之後就將 Unreal Engine 5 同 AI 結合令所有嘢邊到好細，唔洗好似 The Mandalorian、Obi-Wan 咁，需要好多器材、好多人手去拍攝。咁我哋而家就將一啲 AI Motion Capture、AI 去背、無綠幕全部結合簡化所有事情步驟後呈現出來。
Q2: 實際上到底點運作呢？
其實我哋用 AI 去補足 Hardware 嘅不足，將 Unreal Engine 5 結合 3D 場景（scenario）；然後再將 AI 補光、AI 去背、AI 動態捕捉全部結合，不再需要一大班人去 operate（運作）一件事，只要一個人就做到。
Q3: IM-Booth 嘅應用範疇都涵蓋唔同領域，例如婚禮、校園等。會唔會都可以同大家分享多少少，關於 AI Video Photo Booth 嘅日常應用呢？
主要我哋而家做緊虛實結合嘅活動，首先可以為客人提供更多嘢去玩，然後可以返去留念。傳統 Photo Booth 就有個問題，要印嘢、要好多紙版，或者有啲塑膠 Foamboard；為環保、慳位，我哋將功能放入一部咁細嘅機，提供一啲虛擬 Foamboard，連印刷都慳返。除咗婚禮之外，現時仲有好多 Party、商務活動都會用到！
Q4: 你地嘅收費模式係點？
我哋同傳統 Photo Booth 差唔多，都係以租借模式，就會提供人手、器材、logistic 相關，好讓活動時能好好照顧賓客。
Q5: 目前你接觸嘅客戶，會係邊個行業最有興趣、用得最多？
主要係一啲 Cooperate，酒店、婚禮，學校都會用到。簡單而言，任何同派對、活動有關都會用到！
Q6: 相信好多人都對新科技深感興趣，我都好有興趣想知道，你哋嘅公司理念、業務，到底係點？
我哋公司其實好簡單，以「用戶體驗」為先，好似 Steve Jobs 之前講過，用戶體驗行先，再諗如何應用科技。因為我哋以前做開遊戲，現時發現好多元宇宙、AI、Web 3 嘅應用都不算貼地。所以希望做到，大人細路、八至八十歲都能應用。
Q7: 因為始終係創新科技，你對呢個範疇有咩展望？
其實歸根究底，都係「用戶體驗」，目標希望簡化至所有人都可以應用。譬如，而家啲人要安裝應用程式、或者好多繁複操作。我哋都希望能夠儘量避免，盡可能簡化 Hardware，令大部分人不用太多技術層面知識，都可以完成。
同場實測元宇宙即影即有自拍機
今次 ezone.hk 就同大家實測 IM-Booth 3 個功能：
- Transition Effect
- AR Face
- AR Banner
以前要做呢類型嘅效果，可能需要好多後期製作，但而家可以咁短時間，就幫手製作倒一段咁專業嘅影片，影片流暢高清。只要提供素材，就可以有客製化嘅特色背景、AR Banner 等。1 個步驟 scan 返 QR code 就可以快速下載影片，真係非常方便！
【相關報道】
Source：ezone.hk