【理性討論】的士生意差歸因折扣的?網民:截車要問司機大佬想去邊

| Kay | 29-01-2018 10:44 | |

最近 Facebook 有一個 post 是這樣的:「宜家越來越多人 call 折頭的,同埋的士生意越來越差,聽啲司機講,話個市道成日都好靜,究竟原因何在?歡迎大家理性討論」。其實近來不少關於的士的報道,不外乎跟「黑的」有關,而一眾網民看到這個 FB post,有不少人都有感而發地留下大家的心聲,甚至有人認為的士生意差,是因為「的士司機態度差」:「截車要問司機大佬想去邊」。

【精選消息】 【創業奇情】系列之「的士大戰」

【精選消息】乘客遺留手機!的士司機索茶錢 HK$40 嫌少?

正所謂:「識看一定要看留言」,一眾網民精彩留言眾多,未能盡錄,以下就透過 6 大方面,歸納「的士生意差」的原因何在。

1)改搭 Uber / GoGoVan 

「客一樣係咁多無少到,只係 call uber 啫」

「車小小嘢嘈生晒,我叫 VAN 仔唔好」

「我 call go go van 多,但周末或任何假期都要另外加多幾十蚊附加費,不過係快同方便,貴少少都好用過的士」

2)的士司機態度差,無論遠、近都不想去,諸多挑剔

「過海唔去!!!近又唔去!!!戰鬥機倉!!!塞車西面!!!粗聲粗氣!!!自動齊頭!!!如果咁都好生意嘅,我相信無一個行頭會執笠」

「唔好講過海,我住大埔啲村,近粉嶺嘅,喺粉嶺火車站上 40 幾蚊,司機就嫌少錢又唔方便佢返上水粉嶺,喺大埔火車站上 70 幾蚊,司機又嫌遠唔方便返大埔,好多次當面喺台同人吹水單打我(唉真係運滯接著張單去 XXX),全程唉同 jip 到落車。」

「截車要問司機大佬想去邊」

「最大問題係近年嘅人對的士印象差咗好多,短途基本唔搭佢,長途又驚佢唔過海。搞搞下都係唔搭的士了,所有嘢都係自己攞嚟的......」

「靜都可以揀客,揀隧道?(明明九龍城上車去銅鑼灣,仲要星期日,夠膽話要行東隧)」

「短中長途都錯,總之佢地唔鍾意就唔鍾意。乘客就畀錢買難受。」

「總之的士自己玩死自己?短唔去,塞車唔去,過海唔去,有傷殘人士唔去,拎著大件物件唔去!咁多要求番屋企做大爺啦!」

3)車資計算不公

「經常濫收車資」

「拉晒啲黑的再講啦,富亨去太和都夠膽跳到 HK$50 仲要唔止一次,叫人邊有信心再搭」

【精選消息】的士出九龍開價 $2480!的哥「害群之馬」論被打臉?

【精選消息】港媽鬧爆搭的士付 $500 無得找!原來司機無犯法?

4)折扣的更平更好服務

「折的服務絕對比原價的好」

「起碼 85 的我搭咁多次都未試過有黑的先,有得揀一定搭 85」

「你問下高尚既的 L 們,我 call 親折的,司機們都好好禮貌,你試下係街揮手搵,又問你去邊,近又唔去,遠又唔去,想點先?」

「折的一定會用最快最少既路程同時間到目的地,又平又唔驚會兜路,最緊要態度好好多」

「其實折頭的都未必一定係壞事。客又可以平啲搭,的士師傅又可以多個方法接客,唔使周圍兜」

5)乘客想搭但司機扮睇唔到

「成個尖咀啲車冚旗揀客加錢先肯去,唔係我唔想搭,係想搭都唔俾我搭囉」

「經常朝早喺大圍個的士站搭的士既我表示:明明班的士佬見到個站排晒長龍,但佢地都係堅持行右線走唔埋站,同我講無生意?」

「i dont think so la。喺街邊截的士睇我唔到,的士站變免費泊車位」

「夜晚加拿芬道大把客,但經過既的士多數冚旗」

6)私家車數量上升

「佢地客少咗。但係多咗私家車」

「有車人士多咗,巴士路線、鐵路多直接咗及快咗,運大件嘢嘅轉咗 CALL 貨 VAN,加埋有班人轉咗搭 U 記,個餅咁大但選擇多咗,的士客咪少咗囉。」

「香港人有錢咗,個個都買部車。洗鬼打的咩?唔覺得呀豬呀狗都買部車返來擺咩?」

「因為多咗人對的士唔耐煩買車自己揸」

有網民認為的士生意差的原因是多人 call Uber。

也有網民認為「遠、近都不想去,諸多挑剔」是生意差的主因。

不少網民留言都輔以實例證明的士司機態度差,因此不想受氣坐的士。

Source: Charlie Chau @ 馬路的事討論區 Facebook

相關文章

Page 1 of 21