香港貧富懸珠日益嚴重已是等閒事，富者愈富，貧者愈貧，而貧窮的程度更是出乎意料之外。以前大家可能以為一家 N 口住公屋就等於窮，不過見到高登仔開「試過最窮時，窮成點？」post 講鬥窮，你就知道當中的貧窮故事，真是低處未算低。
【精選消息】
【精選消息】
當然，此 post 不乏「窮到食 X」一類的假膠 comment，但真正窮的例子也不計其數，作為經典例子的「食二手飯」、「銀行户口唔夠 100 蚊無得撳錢」、「搵勻全屋散紙」、「按八達通攞按金」等，當然也包括在內，但看完「生意失敗，要填數，銀行得番 5 皮嘢，但係要下個月擺酒、四個月後 BB 出世，面數要使幾十萬」、「阿爸爛賭，無錢交租水電費，做租霸，畀業主 CUT 水電，全家只有 5 蚊。」一類的回覆，就會發現好多人身在福中不知福，以為自己好窮但根本未步入谷底。
因此，這個 post 也不乏「未夠窮」的例子，樓主留言的「英國讀大學時，自己煮晚餐，唯一塊雞排跌落地用熱水沖一沖照食」，就已有網民反駁「呢啲叫論盡唔係窮」；另一位網民提到的「中一個時儲錢買月費點數卡 一罐好似 2.5 嘅汽水做中午 日日儲 30 定 40 蚊」，就被質疑為「呢啲叫窮？你叫用啲錢去做第二啲嘢姐」。其實怎樣才是貧窮呢？各人的定義都不盡相同的，自己聽過一個朋友對貧窮的定義是「銀包無 100 蚊就係窮」，不知大家對貧窮又有看何法呢？
其他網民留言如下：
真·窮例子
「生意失敗，要填數，銀行得番 5 皮嘢，但係要下個月擺酒、四個月後 BB 出世，面數要使幾十萬」
「阿爸爛賭，無錢交租水電費，做租霸，畀業主 CUT 水電，全家只有 5 蚊。」
「番工 lunch 唔食，面包都唔捨得買。銀行户口得 8 蚊」
「屋企 sofa 底、床下底、抽屜、櫃隙、衣櫃逐件衫逐件衫摷 地毯式咁搵啲散紙...最後湊夠 4 個幾買一包公仔麵返屋企煮嚟食，全日淨係食呢一餐」
「窮到試過要八達通攞出黎拎按金搭車搭番 1 個星期等出糧，每日朝早係屋企煮兩個福面填飽，捱到夜晚 7 點回家食飯」
「一包通心粉，8 塊火腿，一星期。」
以為好窮但其實唔係窮例子
「英國讀大學時，自己煮晚餐，唯一塊雞排跌落地用熱水沖一沖照食」
「中一個時儲錢買月費點數卡 一罐好似 2.5 嘅汽水做中午 日日儲 30 定 40 蚊」
「細個屋企人番大陸兩三日，留左錢畀我食飯，但我整唔見咗，結果嗰兩日靠瞓覺維生」
「銀行得返 $80，仲要未交舖租；銀包得返 $20，八達通冇晒錢，仲要搭車出旺角開舖，要喺老竇個散紙兜拎散紙先夠」
「用信用卡㩒現金出黎用」
Source: hkgolden