大家平時去餐廳吃飯，有沒有遇過找少錢的情況？昨天香港網絡作家安德烈，便分享了一段往事，表示曾惠顧某餐廳，對方找錢時少了 4 毫子。安德烈即時拍檯大罵，更將餘款丟落地下。不料網民看到後，他反遭嘲笑「係咪要讚你好勁好型？」
【網絡熱話】
【流動情報】
安德烈日前在一個 facebook 群組發文表示，在 2013 年，他到西貢某餐廳吃中午飯，結帳時發現，對方找少了 4 毫子。「個餐埋單好似係 58.6 定係 56.6，總之就係要找幾毫字（唔幾得幾多）。點知埋單找錢嗰陣無找毫字俾我，我就拍枱＿個女侍應：『嗰幾毫字？』女侍應：『四捨五入。』我：『我有批准過你四捨五入咩？』我一野將個盤、張單同佢找俾我D錢數曬落地下，拍枱大罵。佢嚇呆左幾秒，然後執埋地下個盤、D 錢同埋張收據，再好驚咁走入去廚房，搵女經理再計過 D 錢，然後再攞返個幾毫字同張數據俾我，仲送多張 50 蚊優惠券俾我。我最 X 增人做生意連幾毫字都要貪呃 X 個客。」
網民看到事件後，幾乎全都指責及嘲笑安德烈，回應包括：「係咪要讚你好勁好型？」、「好cheap! 個顧客好似大陸惡霸咁樣!」、「又拍檯＿人又掃嘢落地，你都幾無品」、「你可以追返嗰幾毫子，但係唔駛掃人枱嘅，人渣」、「好意思 post 上嚟俾人笑」等。
Source：安德烈