升降機門快將關上時，你第一個反應是甚麼？用東西來阻擋 lift 門關上，還是等下一部 lift 呢？網台主持人黎則奮就選擇了前者，並在 Facebook 上撰文表示聖誕節到時代廣場吃飯時，遇上升降機的門急速關上，於是用拐杖阻擋，之不過 lift 門並沒有彈開，反而將拐杖夾在其中。
他更表示管理處雖有五、六個人來到，甚麼也幫不上忙，要電召電梯維修公司，等了半個小時後，也無人能夠解決問題，更表示香港的工作效能和效率愈來愈差，沒有人會認真做事，慨嘆香港競爭力下降，實屬必然。
【精選消息】
【精選消息】
此貼文在其 Facebook 刊出後，即引來網民們反感，最大原因是為何要用拐杖阻擋 lift 門，而非是等下一部 lift 來，自己不對還要惡人先告狀。亦有網民表示，按常理其實應該是撳 lift 門掣，用枴杖外物阻擋 lift 門已是不對。此外，更有網友為商場抱不平，留言指已經有 5 至 6 個職員招呼你，還算是效率慢嗎？
部分網民留言
會計屍：趕唔到咪等下一部 lift 囉，趕住去死就比你去喇
菊花殘滿地傷：整 X 壞人地部 lift 仲惡人先告狀
dill：衝門就衝門啦，俾 D 耐性等下一轉啦，扮 X 晒野
無膠良品：以為舉下支棍就會停低比你入呀？
Pantoloc:)：5，6 條友幫佢，仲要 X 話效率差
流精歲月：關緊門，點解唔按上落個制？反而用拐杖頂住，自己 X 左就小家，人地都 call 緊人整，等得半粒鐘就話香港衰退，以為個地球圍住自己轉，正宗廢老
達磨林檎：閂門咪搭下一班囉，行動不便嘅人竟然身手咁敏捷可以用拐仗頂度門，支拐仗仲快過個人 仲要咁嘅角度攝住，正常情況個人邊行得切呀。
之不過，網民有網民鬧，黎則奮就再於 Facebook 撰文兼貼圖，表示時代廣場公關已經致電道歉兼送果籃，更謂這道歉真的有誠意，也反映香港並非全無希望。未知你又怎樣看這事呢？
Source：lihkg、黎則奮 @ Facebook