「孫悟空」霸關愛座?網民撐:千幾歲夠資格有找

| Kay | 08-12-2017 14:47 | |

不少公共交通工具設立關愛座(優先座),原意是讓孕婦、小朋友、病老傷殘等有需要人士可以先行坐下,在載程中好好休息。時至今日,關愛座已經變為批鬥座,但凡非有需要人士坐上,即會演變為網絡公審,連「齊天大聖孫悟空」都沒情面可言!事關網上就流傳一傳「孫悟空」搭九巴坐關愛座的圖片,認真來計的話,「孫悟空」的確不符合以上所提的有需要人士定義,不過網民力撐「孫悟空」坐關愛座有理,更直言「未死都千幾歲,夠資格有找」!

【精選消息】疲憊女孩關愛座熟睡!手機播「需要讓坐請叫我」

【精選消息】韓國老人巴士上引體單槓飛踢「關愛座」青年

Well,講到咁,的確駁唔到。確實「孫悟空」計年齡的話,的確如網民所提「仲老 X 過班廢老」,因此以這樣的條件來看,絕對受得起坐關愛座。更有網民認為「有咩問題?關愛座就係畀 65 歲以上人士使用」、「成千歲,夠資格瞓埋隔離個位啦」,甚至認為「唐三藏都唔夠佢有資格坐,佛祖觀音嚟到佢咪讓囉」。

此外,有網民直斥「齊天大聖你都敢批鬥」、「取完西經,回程都唔比坐」,泛指一眾網民要將「孫悟空」來個網始公審,認真大膽,肯定未試過「孫悟空」如意金剛棒的威力!但其實這位「孫悟空」並不是真正在《西遊記》的那一位,只是 cosplay 版而已,可能這位「孫悟空」的確身體不適,因此才坐關愛座稍作休息呢。當大家未清楚事情始末,就斷言批鬥坐錯關愛座,又未免太武斷了。

精選網民留言:

「關愛下孫悟空啦。呢集應該係講佢同師傅反咗臉,發脾氣返花果山,點知去錯嚟香港,被人捉咗去做送貨仔。嗰晚 OT 攰到濟瞓著咗,仲要過哂站」

「孫悟空未死都千幾歲,夠資格有找啦」

「悟空先有資格坐,計年齡仲老 X 過班廢老」

「成千歲,夠資格瞓埋隔離個位啦」

「唐三藏都唔夠佢有資格坐,佛祖觀音嚟到佢咪讓囉」

「齊天大聖你都敢批鬥」

「取完西經,回程都唔比坐」

「幾鋒利嘅刀,都會有生銹嘅一日」

「孫悟空點都超過 65 歲啦」

「幾千歲坐關愛座唔係唔得吖」

時至今日,關愛座已經變為批鬥座,但凡非有需要人士坐上,即會演變為網絡公審,連「齊天大聖孫悟空」都不例外!

有網民用故事替「孫悟空」坐關愛座解話。

也有網民直言「孫悟空」夠資格坐關愛座有找。

其實近年關愛座(優先座)真不能亂坐,連 MK Pop 始祖 E-kids 成員 Tommy(紅圈示)都試過因為坐優先座而被網絡公審。

Source: hkgolden

相關文章

Page 1 of 21