香港除有紅的（市區）、綠的（新界）、藍的（大嶼山）之外，也有專劏遊客的「黑的」，但當然，大家如果有得揀的話，也不會想選乘「黑的」吧。不過圖中這一輛，或許是例外，因為最近在 FB 瘋傳一張「真．黑的」的圖片，全黑色車身，加上的士 Taxi 字樣，的確幾可亂真。但在此 post 一出的時候，已有聰明的網民突破盲腸，表示「睇清楚的字無一點」，打破一眾網民對「黑的」的幻想。
【精選消息】
【精選消息】
有網民笑指，這輛「真．黑的」，大可改名做「德士」、「食士」來幽的士一默，之不過大家假如細看一點的話，就會發現當中已是幽默之作，因為的字少了一點，英文 Taxi 又少了個 i，擺明「唔完整，玩取巧」。其實到底擁有這輛「真．黑的」的車主，是刻意將的字少了一點、英文 Taxi 又少了個 i，還是巧合呢？有網民就覺得：「我諗佢都係畀阿 sir 搞過，先會無左一點同無左個 i」。
精選其他網民留言：
「請仔細睇個字，唔完整，玩取巧」
「傳說中嘅黑的」
「的字少一點，英文少個 i，係你哋誤會姐」
「名符其實『黑的』！」
「係咪澳門的士要嚟香港整車？？」
「的士冇左粒的」
「真係要放大先睇到」
「如果係貼『黑的』，傻豬豬就無問題啦，咁架車的確是黑色的呀嘛」
「架車好靚，好正」
「送貨定追 tax？好亂呀」
