網民熱談城大 O Camp 勁蝕 30 萬之謎!預算蝕 20 萬都批?

| Kay | 06-12-2017 15:47 | |

大學生去迎新營(O Camp)social 一下,跟不同學系的同學增進友誼是人之常情,但一個 O Camp 背後是怎樣,budget 預算是如何產生,大家又知道嗎?最近有本地傳媒踢爆今年城大大 O(即由學生會舉辦的迎新營)淨支出為 HK$58.8萬,比起總收入 HK$28.4 萬,驚蝕高達 HK$30.4 萬,令不少城大生感到震驚,而城大學生會會長陳岳霖就在報道解釋虧蝕原因,包括:1)近半參加迎新營的「組爸組媽」拖數未交費用;2)被營地罰款;3)交通開支大增。報道一出,當然又成為一眾網民的熱談焦點,而全能的網民又再伽利略上身,你一言我一語地試圖拆解勁蝕 30 萬之謎。

【精選消息】捱唔過聖誕?Fashion Walk 欄杆裝飾疑遭投訴需拆卸

【精選消息】有錢「公屋仔」被學資抽查資產求救!網民嘲:安心入冊

由於網民是全能的關係,所以看到城大 O Camp 的財政預算中有「18 個水桶 HK$4,050」「1,800 件營衣 HK$72,000」、「城巴往返營地、白石燒烤場、城大 HK$33,700」、「3 日 2 夜營地租金 HK$293,049」等龐大開支,已經覺得主辦單位用錢方面極有問題,縱然有些網民看完這些開支也覺得大 O 用得合理,也提到不少大 O 都是蝕住做,蝕一、兩萬本為閒事,但對於主辦單位「明知 budget 負數都仲使突」、「由得組爸組媽、老鬼走數都唔理」這些結構性的行政及管理問題,的確需要負責任,更擔心他們連一個 O Camp 都辦得一團糟的話,日後真正投身社會工作的話,想必會撞板多過食飯。

當然,一眾網民的本質都是「睇人 XX 最開心」,因此知道城大掀起 O Camp 勁蝕 30 萬的大新聞後,無不力插「過橋濕腳,真係識玩,啲組爸組媽真係又食又拎」、「ShXt T U 嘛,有名你叫喇」、「城大專出垃圾」,即使有自稱是「會長」的網民回 post 澄清「絕無食夾棍」、「買物資真係用咗咁多錢」,但對於行政、財務管理不善,確實責無旁貸,未知一眾城大人之後會怎樣處理 HK$30.4 萬的負債呢?

部分網民意見如下:

「租巴士 HK$33000.....聞所未聞」

「過橋濕腳,真係識玩,啲組爸組媽真係又食又拎」

「咁似啲大白象工程篤數?呢啲濕勁活動本身就會預大個數出嚟做, 不過似係做搞手班友係又用唔係又用 ,自己傻的嗎無睇餸食飯搞到洗大咗」

「我諗 9 成組長冇畀,老鬼入去多過 freshman」

「佢地個收入都無可能cover到條數,收 fm 都收夠啦嘛?campsite 都爆曬人數 但同個支出差極多,食宿都 cover 唔到。條數未搞已經爛咗,班友一開始都計到條數有問題啦下話。已經收 fm 700 咁向左走向右走貴啦。我以前見啲細莊搞 ocamp 好好睇睇,最後重要賺勁向左走向右走多,筆錢真係可以一齊去轉日本旅行。不過佢地拎曬嚟 cover 成年活動支出,啲活動近乎免費參加」

「樣樣開公數,仲唔使盡佢咩」

「校園不嬲都係社會縮影,城大尤甚。早幾年損失咗十幾萬嘢都無事無人負責」

「乜唔係應該睇住 budget 將貨就價 / 調節返活動㗎咩?老老實實如果連大莊都係當自己玩 sims 咁 fing 錢法,下面實更加癲㗎喎」

「見微知著呀,一個膠桶都咁,成個採購過程一定好多問題」

「預算都蝕 20 萬,點解咁都批到」

有網民貼出城大大 O 的財政預算(左)、財政報告,可見當中確有不少值得讓人懷疑的大額不合理支出,如「18 個水桶 HK$4,050」、「1,800 件營衣 HK$72,000」等。

高登仔直斥「收入無可能 cover 到條數」。

有自稱會長的連登仔強調「無食夾棍」,但又對老鬼突入而被罰款的不必要支出,感到無可奈何。

Source: hkgolden, lihkg

相關文章

Page 1 of 21