香港樓價愈來愈貴，想有個自置「安樂蝸」亦愈來愈難，即使是能夠「上車」的年輕一族，大多也是靠「父幹」畀首期，才有個安身之所。有女網友在討論區中，表示自己雖然是大女，而且一家人關係好好，但有日父親就在晚飯時候，說層樓遲下就留給細佬，反正大女嫁人後就會搬出去住。女網友雖然表示無嘢，但其實個心就始終有點不舒服，更大嘆「做女就唔可以有份」、「公平咩？」
其他網友見狀，就表示其實這個社會就是如此，層樓係留給仔而不留給女，因為理論上未來老公都會有父母傳的樓，而嫁出去的，就沒有必要留在家中。有網民留言謂，女大嫁出去很正常，假如未來老公要靠外家痴住層樓，就變了食軟飯，兼且似入贅。這個是傳統思想，留仔不留女，很平常也很難改變。此外，有網民就建議樓主，既然家庭關係好，如其不開心，倒不如開心見誠與父母談論此話題。
【精選消息】
【精選消息】
部分網民留言
奈葉x菲特：成個社會都係咁，樓比子唔比女。理論上你係女，你男朋友 / 未來老公都會有佢父母傳的樓。
東堂詩音：好正常，女大不中留
Zlatan_official：點解要益埋你未來老公，如果得一個女，我令願捐左去
殺無射：如果你老公要靠你父母先有樓咁都好失敗，留比你細佬無錯
Pamk：你搞清楚未，女大嫁出去好正常既事。相反你未來老公痴你層樓就變左食軟飯、入敘咁。呢個係傳統思想黎，至於你未來弟婦亦然。
仙人掌茶：一家人無計啦
夾親道門：比仔唔比女是常識吧
薯蛋慾慾肥BB：咁層樓係你老豆嘅，俾邊個佢話事，加上女嫁左就當係外家人，留俾仔都正常，講到底你都係貪層樓啫。
Source：lihkg