【網絡熱話】鋸一次扒即知港女質素?潮文隱藏兩大彩蛋

| 柔之拔 | 14-11-2017 06:33 | |
【網絡熱話】鋸一次扒即知港女質素?潮文隱藏兩大彩蛋

是咁的,網民「唔該正經 D」日前在香港高登討論區發帖,題為「鋸一次扒,看透港女的質素」。咁堅?即 check~

「唔該正經 D」表示「終於約到暗戀好耐既女同學一齊鋸扒,放學約係佳寶等。」但怕被看見,於是二人都佩戴了潮牌眼鏡 rayban,兼一前一後入去佳寶買 steak(編按:你以為自己是明星?醒吓啦!)

【罪狀 1】「熟晒啦」

二人隨即到女方的家。「唔該正經 D」問女同學,牛扒要成熟,女同學說:

「下?咩幾成熟?熟晒啦!」 

一句撻著「唔該正經 D」,鋼男一朝喪!「唔該正經 D」坦言,原本期待女同學會用 oral b 的優才生口吻回答 blue rare 或 medim rare,可是女同學竟然吐出廣東話「熟晒啦!」三個字而且係入去平三聲,非常刺耳。

放入微波爐叮廿秒

煎罷,女同學投訴牛扒有血水,要拎去微波爐叮廿秒,「唔該正經 D」表示實在無法忍受在帝柏海灣高層吹住海風食『熟晒啦!』嘅 steak,還未吃完便假扮要去補習,先行告辭,恨心撇女。

【罪狀 2】冇 table manner

「唔該正經 D」走到門口準備離開之際,用眼尾睄到女同學一個人對住兩碟 steak 的落寞神緒,曾心軟想截返,抱住女同學,教她吃 steak 的藝術,可是……

他聽到「溫莎公爵牌」銀叉放落檯噹一聲,那是Orpheus 回頭望 Eurydice 石化的聲音。「唔該正經 D」不滿放叉發出聲響,質疑女同學連 table manner 都唔識。

【網絡熱話】鋸一次扒即知港女質素?潮文隱藏兩大彩蛋
去扒房鋸扒,要幾多成熟,港男港女一定要識。

【彩蛋 1】佳寶真係要熟晒?

帖子除了讓大家學懂用鋸扒測試港女質素外,從網民留言,發現原來隱藏兩大彩蛋。首先,原來佳寶買的牛扒一定要煮熟?

  • 佳寶買真係要熟晒
  • 薑屍肉,熟哂都未必得
  • 大佬唔係靚肉唔敢食咁生
  • 每次經過佳寶都一陣屍臭味 樓主堅好拎勇
  • 識佳寶入面做入貨 D 人,自己都唔食
  • 條女做左正確選擇

【彩蛋 2】「熟晒啦」有性暗示?

  • 你上佢屋企, 佢以為你問佢個人有幾成熟, 佢咪答你, 熟晒啦, 食得架啦, 點知你淨係係度煎晒熟到牛肉乾咁既牛扒同轉身走人連掂都無掂過佢, 佢點會唔落寞神緒
  • 點睇都好 fail 塊牛扒根本唔係重點 , 你會唔會重作
  • 耐人尋味,狗衝啦

【精選消息】

【精選消息】

【精選消息】

【網絡熱話】鋸一次扒即知港女質素?潮文隱藏兩大彩蛋

Source:高登討論區

相關文章

Page 1 of 11