焗豬扒潮文成真?網民:是準確無誤的研究報告

| Hin | 09-11-2017 14:46 | |
焗豬扒潮文成真?網民:是準確無誤的研究報告

快餐連鎖店的焗豬扒飯,相信你一定有食過,大家在意的當然是豬扒的份量大小,而作為網絡上的「花生友」,相信你也一定有聽過多年前的「焗豬扒飯」潮文(未看過可住下看潮文節錄),教你如何得知豬扒的大小,還與芝加哥豬肉期貨有關,講到「似層層」,但想不到今日竟有網民在討論區,圖文並茂指出「焗豬扒」潮文其實是準確無誤的研究報告!

這位網民在討論區中,指自己豪食 30 元的吉烈豬扒銀針粉早餐時,發現豬扒竟然「有成隻手掌咁大」,在為之驚訝的同時,更決定運用「生活智慧」望一望美國芝加哥豬肉期貨市場的價格時,即發現 9 月份的豬肉期貨(Lean Hog)是最近 5 年的其中一個低位,再加上巴西運貨至亞洲的船期要 37 至 45 日。因此,可見未來一個月的豬扒一定是大大件,更印證當年的潮文是準確無誤的研究報告!

焗豬扒潮文成真?網民:是準確無誤的研究報告

【精選消息】

【精選消息】

網民見到此個印證,大讚樓主的印證好高質;有的則表示樓主太痴線,連食個早餐都要做 research,更表示要去食個焗豬扒飯呢!

部分網民留言

南亞病夫:呢個 po 充滿知識

雲加又嬴:食個早餐都要做 research

西毛阿彌陀:有圖有真相既研究報告

比卡比卡:以為係潮文,原來係高人寫嘅

最愛勁up:今個月要 all in 豬扒

ky454:高登研究,強烈推介,識食當然食豬

焗豬扒飯潮文節錄

焗豬呢都要叫得有技巧,唔係乜 lan 野時候都叫得,你一定要見佢個牌寫成呎長焗豬先叫得,唔係中伏!拿,大家樂唔可以成日加價,所以佢 d 野食質素同果期既食材來價有關!

如果果期 d 冰凍豬扒平,佢就會入 d 大大件成個飯盒咁長,而且有 1.748cm 厚既豬扒。入左筍野佢地當然唔會放過晒命機會,所以個牌就會寫「成呎長一哥焗豬扒飯」!

如果果期 d 豬扒來價略貴,佢就會縮 lan 左成呎長幾隻字,淨係寫「一哥焗豬」!咁你叫時就要心中有數了!

如果果期連一哥兩隻字都冇埋,變成乜 lan 野鴛鴦焗飯,雞球併豬扒之類咁,就係果期豬扒來貨好貴,佢就整 d 垃圾出黎頂檔,07年 - 08年就發生過,一唔小心就中伏!!

不過大家唔駛驚會中伏,其實呢d係有路捉既,果期你上美國芝加哥期貨交易所個網睇豬肉期貨既價,如果巴西豬肉期貨價大跌就係準備有成呎長豬扒既時候了! 

Source:forum.hkgolden、evchk.wikia

相關文章

Page 1 of 11