無人問津電競選手 代表香港出戰悉尼

| Siu Yeung | 25-10-2017 20:15 | |

近年愈來愈多人留意電競,部份選手的確名成利就,但有更多選手寂寂無名。日前,在連登討論區中,便有選手出帖,表示「我地係一班無人問津的電競選手」,沒有任何贊助,早前代表香港出戰悉尼,並以遊記方式,記錄了今次行程,希望獲得巴打支持。

該隊伍出戰的遊戲是《Rainbow Six》職業聯賽,在文中他表示:「我地係一班電競選手,正確來講,應該是一班業餘電競選手,因為我地冇任何收入,但職伍已經係職業水平,亦已經係 Rainbow Six 既職業聯賽入面打拼,在沒有任何幫助 / 贊助下,我地曾經係東南亞社區杯,7-9月既比賽取得第二名既成績,在職業聯賽選拔賽中,uM(Unique Monster ) 以第二名總成績入選。後來在職業聯賽 B 組中更是未嘗一敗,以 B 組首名出線。在季後賽決賽,才惜敗亞洲勁旅 Cryptik (前為Envy 代表亞洲出戰國際邀請賽),以東南亞區第二名成績完成本季職業聯賽,早前 19/10 - 23/10 更代表香港出戰悉尼同成個亞太區打。」

【流動】西班牙搭飛機免費獲贈 Samsung Note 8

【影音】Jaybird Run 運動全無線耳機自調音色

最終賽果,uM 最終不敵韓國 mantis FPS,不過樓主依然想比大家知道。「我地 uM 能夠行到今日的確唔容易,一直來冇人識,冇媒體宣傳,冇贊助商支持。我地都堅持到今日,你地又可以為夢想放棄幾多?希望有人會支持下。」

樓主出帖以後,獲得不少巴打正評。「路就一定難行架啦,比心機」、「樓主加油 因為呢條行係唔好行,但係記得要有後路留俾自己」、「加油、追夢永遠無錯」等。不過亦有好些人認為,隊伍選錯了遊戲,「真正想做職業選手搵食都係轉 GAME 吧啦」、「玩錯game,Csgo就唔同」、「冷門 game 無計」等。

Source:lihkg

相關文章

Page 1 of 21