萬聖節都玩浪漫?無錯,領展於屯門三大商場搞搞新意,其中 H.A.N.D.S 商場的室外空中花園平台,會變身成新界西首個銀河星光花園,「新西」朋友想浪漫一返都毋須走出市區。老老實實,非屯門人真係未必知屯門原來有個商場叫 H.A.N.D.S,睇相片都見到這個銀河星光花園都幾靚,影相打卡都可能呃到 like,但如果再望望官方影片,就會發覺其實銀河花園不算大,大家可能要在取景時花點心思,就一就位喇!日期方面,由即日起至 10 月 31 日,開放時間為上午 10 時至晚上 9 時,黃昏 5 時 30 分後才會亮燈。事實上,睇得星光花園都係想夜晚去,晚上 9 時就關閉似乎早了一點吧!地點位於 H 區 3 樓平台花園。該處除了星光花園,於 10 月 28 日至 29 日,還設有星光攤位遊戲,但留意時間值為中午 12 時至下午 5 時。
【熱門報道】
另外還有「星球總基地」,佈置成外太空萬聖節場景,同小朋友一起影相都 OK。想玩的話,可以去 A 區 1 樓玩限定外星尋寶夾夾樂,說穿了其實就是夾公仔,凡於活動期間(10 月 28-29 日)於 H.A.N.D.S 商場或街市作任何電子消費,憑有效發票即可參加遊戲一次。
除了 H.A.N.D.S 有銀河星光花園之外,領展旗下另外兩個屯門商場──蝴蝶廣場及良景廣場,都有在萬聖節期間搞大抽獎,消費滿指定金額就可以獲抽獎券一張。
Source:ezone.hk