因經常被某報章以「因管理不善而……」形容,所以國泰航空常被網民戲稱為「因航」。估不到的是,國泰航空在最近一條 Facebook 專頁帖子中,以「因航」之名「自抽」,繼而得到不少網民稱讚「窩心」、「夠薑」!
事情是這樣的,話說國泰航空官方專頁昨日出帖,似乎是想宣傳香港來回台北的直航航線,表示:「香港來回台北為全球最繁忙的直航航線,每日平均班次 80 班,即是每 18 分鐘就開出 1 班,月積超過 30 萬個座位由我們提供。」重點不在此,而是這段文字下方的 hashtag,包括「#焗豬扒飯 #粟米魚塊配蛋炒飯 #叉燒飯 #葡汁雞飯 #因航雞卷」。
【熱門報道】
有留意 ezone.hk 之前報道的話,都應該知道國泰航空往返台北香港的航線,會由 10 月起轉用全新的港式口味飛機餐,選擇就包括上述 hashtag 中的港式飯盒等,而出名的「因航雞卷」卻意外被國泰專頁版主用來「自抽」一番。網民見到國泰一改作風勇於自抽,正評不絕,不過有網民就表示「小編想炒尤魚」,幸得到官方回應「我們團隊上下一心的啊!」其他網民意見部分如下:
.重點係 #因航雞卷 lol
. #因航雞卷!!! 自抽係正嘅!!!
.呢間公關公司抵加人工啦~
.讚係俾 #因航雞卷 嘅
.CX轉咗PR之後窩心咗好多
.夠薑,呢次你贏晒!
.識自抽有進步
.坐因航就係為咗食 #因航雞卷
.因航雞卷終極自抽 OO KC
.因航雞卷,正丫,借力打力,做好自己就得,唔洗理D所謂傳媒嘅抺黑,加油
.終於唔係公關變關公
Source:ezone.hk、國泰航空專頁