「唔該熄咗你個電話啦 ......」相信大家有去百老匯院線戲院看電影，想必看過這段由本地插畫家 b.wing 創作、林二汶主唱的 A 仔聯盟戲院禮儀短片。近日百老匯院線雖公布全新《捉妖記》胡巴跟 A 仔 crossover 登場的戲院禮儀短片，大家已可正式跟林二汶主唱的洗腦歌講拜拜，但一眾網民似乎麻麻哋喜歡外形笨重的胡巴，甚至圖文並茂地表示「要睇番 A 仔聯盟」云云，難道連戲院禮儀短片，都有新不如舊之分？
【精選消息】
【精選消息】
老實講，胡巴版戲院禮儀短片，雖然沒之前 A 仔聯盟版如此洗腦，但也希望觀眾看過以後，會好好謹記戲院禮儀，只因禁止在戲院內高聲談話、使用手提電話、不准吸煙及攝錄等戲院禮儀早是老生常談，但往往總會有「無恥之徒」破壞規矩，影響觀影氣氛，令其他觀眾大感不安。
至於網民一眾留言之中，雖有小部分是喜歡胡巴，「看看《捉妖記》吧！胡巴很可愛的。」，但大部分的 comment 都是覺得 A 仔聯盟較好，有網民甚至覺得胡巴「強國味飄晒出嚟」及「醜到一個點又老套！」。之不過，也有網民認為反向宣傳效果可能會更具影響力，有留言提到「唔不安點叫人遵守規則？」、「有無睇過 80 年代的 API，唔恐怖都唔會俾你睇啦！仲敢唔守法呀啦？」。
撐胡巴留言：
「看看《捉妖記》吧！胡巴很可愛的。」
「有無睇過 80 年代的 API，唔恐怖都唔會俾你睇啦！仲敢唔守法呀啦？」
「唔不安點叫人遵守規則？」
撐 A 仔聯盟留言：
「畀番 A 仔聯盟我啊......我唔要乜巴」
「我首飲歌冇咗」
「我要睇番 A 仔聯盟」
「我地宜家係嚟睇 A 仔㗎！」
Source: Edko Films Ltd. 安樂影片 Facebook