麥當勞 FB 被「走塑」洗版!新早餐宣傳 post 錯重點?

| Kay | 13-10-2017 12:29 | |
麥當勞 FB 被「走塑」洗版!新早餐宣傳 post 錯重點?

走塑、減塑是近年環保潮流大趨勢之一,尤其飲食業,有不少餐廳為推環保,都會容許顧客自備餐盒、杯子盛載食物及飲品,減少塑膠用品的消耗。之不過,有網民認為香港麥當勞作為快餐業界的龍頭,卻沒有牽頭推行走塑、減塑,有感麥當勞方針跟大市背道而馳之外,也認為「何解台灣做到,香港做不到」,所以趁著麥當勞於 FB 出 post 新推金寶羅宋湯扭扭粉早餐系列,網民一致認為「機會嚟啦!」,以洗版式的瘋狂留言,強烈要求「走塑」。

【精選消息】

【精選消息】

為此,ezone.hk 問及香港麥當勞公關,對事件有何回應,可惜麥當勞方面在本文上載之時,都暫未有回覆,如有最新消息,定當為大家跟進。其實今次麥當勞 FB「走塑」訴求眾多,或者會有人認為是網絡打手的所為,對留言應抱以觀望態度,但其實走塑、減塑已是環保潮流大勢,或許麥當勞可以好好考慮,減少使用塑膠用品,為環保出一分力。現在就看看網民有何意見。

「點解鄰近的台灣麥當勞可以做到鼓勵客人自備杯仲有得集點優惠,香港反而一路倒退?」

「懇請香港麥當勞集團立即仿傚其他國家嘅分店同支持環保嘅食肆,引入更多減廢措施甚至以優惠作誘因吸引食客自備餐具。」

「Starbucks、Pacific Coffee 都冇入膠袋,啲人咪一樣攞得走!」

「講真,係因為見太多即棄餐具,尤其 ifc 果間係唔係都畀膠袋,所以食少咗好多,更甚的是,已有戒食麥當勞的傾向」

「希望麥當勞可以為環保做多啲,派少啲膠。我哋唔係想要啲咩自己帶杯嘅優惠,只係好簡單地想麥當勞容許客人自己帶杯買嘢飲。」

「點解我堂食都仲要用即棄餐具?」

「其實我覺得可以增加番無飲管提供嘅日子,同埋走餐具 / 醬料嘅機制,我每次主動拒絕要以上所有野,員工都係再塞番落袋中......」

「麥當勞派少啲膠啦唔該,食個早餐成枱垃圾,想 good morning 都好難!!」

「強烈要求麥記走塑,堂食無理由用即棄餐具喎!唔合理!」

「支持要有走塑選擇!之前堂食話唔要杯蓋都唔得:(」

麥當勞 FB 被「走塑」洗版!新早餐宣傳 post 錯重點?
今日麥當勞 FB 出 post 明明是宣傳最新金寶羅宋湯扭扭粉早餐系列,可惜重點錯了,FB post 全被「走塑」洗版。

麥當勞 FB 被「走塑」洗版!新早餐宣傳 post 錯重點?
網民認為「何解台灣做到,香港做不到」,強烈要求麥當勞「走塑」。

麥當勞 FB 被「走塑」洗版!新早餐宣傳 post 錯重點?
「走塑」訴求眾多,或者會有人認為是網絡打手的所為,但或許麥當勞可趁機好好考慮少用塑膠用品,為環保出一分力。

Source: McDonald’s Facebook

相關文章

Page 1 of 11