不少市民認為政府政策漠視民情，原因是打得政府工的朋友，思想都是堅離地得緊要。試舉例說明之？大家有否想過，政府連一把錯刻度的間尺，都可以送得出予廣大學生手上？最近就有一個 Facebook 苦主出 post 提到「失敗到極點，政府送俾學生的間尺，刻度錯到離譜。阿仔近日做功課，度親啲尺寸都錯，原來政府送的間尺的 20cm，等如正常間尺的 20.4cm」，甚至找來一把卡通間尺，以及一把透明直尺，跟政府所送的錯刻度間尺比較，兼且有圖有真相。
【精選消息】
【精選消息】
不少網民看到樓主的遭遇，同樣認為「政府果然是用另一把尺度嘢」、「政府啲尺果然同啲官一樣咁與別不同」之外，也笑言「政府係一尺兩用，你合埋眼度又會係另一把，試試」。當然，也有網民乘機抽水，表示「政府嘢點會有錯，係都係你錯，錯在信政府」，以及「對比政府的工程預算，尺上的 2% 偏差實在鼓舞士氣」。說到底，政府方針又怎會是一般人能夠明白，不然樓主都不會出 post 鬧爆「失敗到極點」，更語重深長分析用了錯刻度間尺的影響，就是「把間尺最大問題在考試，題目的正確答案如果係 65mm，但用呢把間尺只度到 64mm，老師正常諗法會係小朋友數錯格仔，唔會諗到係把間尺錯」。
政府錯刻度間尺（橙色） V.S. 正常間尺 A（藍色）
政府錯刻度間尺（橙色） V.S. 正常間尺 B（透明）
部分網民留言如下：
「政府果然是用另一把尺度嘢」
「旨意佢就大鑊」
「亦都睇到打政府工的人嘅工作態度就係咁！」
「政府啲尺果然同啲官一樣咁與別不同」
「政府尺同平民尺分別」
「政府嘢點會有錯，係都係你錯，錯在信政府」
「政府係一尺兩用，你合埋眼度又會係另一把，試試」
「蚹蛤蟈蜻」
「淘回來的貨」
「對比政府的工程預算，尺上的 2% 偏差實在鼓舞士氣」
Source: Jacky Lau PW Facebook