Pokeguide 直指港鐵 App 抄襲「快捷出站」功能!網民再鬧:八達通已有前科

| Kay | 14-09-2017 12:07 | |

港鐵宣佈,將於 9 月 15 日(星期五)下午 6 時,港鐵會於 MTR Facebook 公布免費參觀高鐵車廂門票的索取詳情。消息一出,網民不是留言關注高鐵車廂免費參觀事宜,而是強烈要求港鐵解釋「抄襲 Pokeguide」事件。那麼「抄襲 Pokeguide」事件,到底是甚麼來的。原來是源自 Pokeguide FB 一個名為「POKEGUIDE 正式回應 - 地鐵 App 推出嘅兩個新功能」的長文 post,內容提到 Pokeguide 幾位創辦人,對港鐵 app「『站內搜尋』同『快捷出站』廣告感到驚訝」,更謂:「原來抄襲人哋嘅嘢,都可以鋪天蓋地咁宣傳」。

【精選消息】高鐵開放日 本周五公布索取門票詳情

【精選消息】港鐵多啦 A 夢紀念車票套裝連 USB 燈座!會員優先網上訂

Pokeguide FB 長文提到的港鐵抄襲理據:

1)「快捷出站」功能雖不是專利及新穎科技,但「問題係上年我地曾經同地鐵高層開會,會上我地有提出過我地願意開放車卡車門答案data俾地鐵,而地鐵只需要喺佢嘅答案頁面 credit 番我地就得,唔明點解港鐵仲要花費千萬做番個一模一樣嘅功能???」

2)金鐘站嘅「站內搜尋」功能,係我哋上年喺會內提出嘅,我哋講解咗點樣可以用 beacon 做法方便同引導乘客。我地當時以香港大學站作為例子,只要成條通道裝上 beacon,感應到乘客由閘機往月台方向行走,就會收到通知有咩列車班次延誤,如果由月台向出口方向行,亦可以提供出口附近嘅地區新聞或者店舖優惠。我哋提出可以 line up 其他研發 beacon 嘅 startup,一齊合作做呢件事,而佢哋最後嘅結論係「個 idea 好好呀,我哋會返去先同其他唔同部門同事研究吓」,之後哋地一直再冇任何書信往來,直到上星期睇見佢地大肆宣傳先知我地嘅 idea 又被「無通知下徵用咗」。

Pokeguide FB 長文更以「一間咁大嘅公司係可以將人地嘅 idea 話抄就抄,抄完唔洗通知對方就當咗係自己嘢」,以及「但係點解香港個個都支持創科,支持建造智慧城市嘅時候,港鐵唔係俾多啲機會同 startup 合作,而要額外花一大筆錢,偷完人 idea 再自己攞哂嚟做?我真係睇唔透」作結,更希望網民幫手一人一 Tag MTR 入嚟解釋吓?

【精選消息】沙中線東西走廊接通!港鐵率先載你走啟德站至顯徑站

【精選消息】黃色高鐵見過未?原來香港高鐵都有醫生

正所謂:「空穴來風,未必無因」,港鐵近年經常出現壞車故障、班次延誤等問題,已被不少網民評定為「管理不善」的級別。因此 Pokeguide FB 的長文回應,正令是日花生期貨指數急升,網民們毫不猶疑地集體衝出來對港鐵狠下負評之外,同時更希望動員網民力量,迫令港鐵能夠「解釋吓」。

其實心水清的網民,已看透「港鐵 App 抄襲」事件只是慣常的香港大機構處事手法,更提到「一向香港大機構同政府,都係聽完 pitching 之後,將所有橋合埋,再搵最 cheap 的 vendor 做。做過 vendor 一定知,NDA 係唔存在嘅」,另外亦有網民指出,「港鐵 App 抄襲」,可謂有前科,早在八達通年代已有類似情況,更問大家是否記得:「八達通早期......MTR 有出售晶片給小商戶加工做生意,有人買來放入公仔內轉售售......生意正上軌道......港鐵就停售晶片並推出同樣產品」。未知其他網民,對於「POKEGUIDE 正式回應 - 地鐵 App 推出嘅兩個新功能」文章,又有怎樣的回應呢?ezone.hk 亦正聯絡港鐵,希望對方能就 POKEGUIDE 的意見作出回應,至本文上載時,暫未得到對方回應。

「一向香港大機構同政府,都係聽完 pitching 之後,將所有橋合埋,再搵最 cheap 的 vendor 做。做過 vendor 一定知,NDA 係唔存在嘅」

「『香港個個都支持創科,支持建造智慧城市嘅時候』— 搞錯啦,香港政府只會口頭上支持,為咗攞光環。壟斷個班實際上只會顧及自己利益,唔係真心想肯冒險的小公司成功。」

「八達通早期......MTR 有出售晶片給小商戶加工做生意,有人買來放入公仔內轉售售......生意正上軌道......港鐵就停售晶片並推出同樣產品」

「當 Pokeguide 遇上 XX。Startup 要學精,每次同呢嘅大機構有技術交流前,記住要佢簽 NDA」

「MTR 成日做埋啲賤野都唔係第一次,助紂為虐,一d都唔為市民著想,又限制樂器大小但又容許水貨客當道,而家有人幫你幫市民就粒聲唔出抄到十足十」

「唔好怕麻煩,上court 都咁話,知識產權署一定幫到你」

「同大集團開會真係要好小心,小人物唔好諗住『估唔到你會咁做』就提都唔提下對自己嘅保障,對人地嚟講,道義、道德唔可以當飯食,賺錢先係一切。會繼續支持 Pokeguide! 港鐵連 credit 都唔畀番人可恥!」

「上樑不正下樑歪,有點 XX 嘅政府就有點嘅 XX 港鐵。抄人嘢當自己做,遲啲會唔會拎埋個專利,作風完全跟上強國步伐。咩叫尊重知識產權?食得架?班膠層話之你,總之繼續大額花紅袋袋平安」

「商場如戰場,你同你嘅競爭對手講合作就自然有風險。關於抄唔抄,咁你個 page 啲呃 like post 手法又叫唔叫抄?(利申:唔否認港鐵係 XX)」

「 MTR 使大筆錢去抄你個 app。無非想話俾大眾聽佢使咗好多錢去提供更多服務。做靚盤數。然後加價。但實情佢抄你條橋。其實成本有限。」

「POKEGUIDE 正式回應 - 地鐵 App 推出嘅兩個新功能」原文(一)。

「POKEGUIDE 正式回應 - 地鐵 App 推出嘅兩個新功能」原文(二)。

Pokeguide FB 長文亦提到,現時港鐵 app 金鐘站「站內搜尋」功能,是 Pokeguide 去年跟港鐵開會提出的發展概念之一。

網民一致負評港鐵所為。

更建議下次 Pokeguide 要簽 NDA 保障自己權益。

Source: Pokeguide Facebook

相關文章

Page 1 of 21