見工被耍但事後被加 LinkedIn?網民反恥笑樓主太傻豬

| Kay | 12-09-2017 17:14 | |
見工被耍但事後被加 LinkedIn?網民反恥笑樓主太傻豬

相信不少年青人在剛過去的暑假,有當暑期工賺外快的同時,也為之後漫長的職場生活作好準備。不過並不是所有暑期工工作都是盡如打工仔的心意,最近網上就有人出 post 分享一段奇怪的應徵暑期工經歷,由於文章篇幅 too long 的關係,因此將重點撮要如下:「樓主托大學同學找 intern 工作,大學同學介紹一名女士予樓主,更叫樓主『reject 其他 internship offer』及前來見工面試。正當樓主以為『請硬』之際,這位女士卻在見工過程不斷問問題試驗樓主,並在事後告知大學同學『無心請樓主』,以及沒 send email 表示不聘請樓主。」大家看到這裡,可能以為事件已完,但相隔數月後,這位曾在面試過程「刁難」(沒錯,樓主是這樣認為的)樓主的女士,竟主動加樓主的私人 LinkedIn 帳戶,使樓主大感不解,覺得「見工被耍但事後被加 LinkedIn 是咩玩法」之外,又覺得對方不要臉及另有目的,浪費自己時間云云。

【精選消息】

【精選消息】

單看樓主的經歷,可能會有人真心為其經歷感到不快,但作為全能及看透世事的網民,大多抱以強烈恥笑的態度,認為樓主太傻豬:「你個所謂朋友其實都有份玩 X 你」、「唔好為咗未肯定返唔返到嘅工隨便 reject 其他 offer」、「自己信錯人,唔識應對,上網開 post 講到自己又慘又受到勢力迫害,而家慘過 deedee,完全唔諗自己蠢到隻豬咁」,以及很快便知道樓主所見的工是議員助理。

職場世界這麼大,的確是甚麼類型的人士都會出現,有網民有感「有熟人介紹唔等於啲乜」,並以「一日未畀 offer 你,一日都有變數,就算在個面試過程氣氛幾和諧,佢講到幾好聽,好似請硬你咁都好,未簽約都係廢話」,甚至有網民認為「睇唔到點解唔請你要通知番」,反諷樓主何解認定不聘請一個應徵者的時候,例必會 send email 通知,更建議樓主不需有 hard feeling,當見見世面便算。

見工被耍但事後被加 LinkedIn?網民反恥笑樓主太傻豬
樓主原 post 全文(一)。

見工被耍但事後被加 LinkedIn?網民反恥笑樓主太傻豬
樓主原 post 全文(二)。

精選網民回應:

「你個所謂朋友其實都有份玩 X 你」

「自己信錯人,唔識應對,上網開 post 講到自己又慘又受到勢力迫害,而家慘過 deedee,完全唔諗自己蠢到隻豬咁」

「半年後打電話叫我返工都試過」

「我都未試過見工條友係會叫你 reject 咗其他 offer 先見」

「一日未畀 offer 你,一日都有變數,就算在個面試過程氣氛幾和諧,佢講到幾好聽,好似請硬你咁都好,未簽約都係廢話」

「係呢個 POST 都睇得出樓主咁戇 X,抵比人玩」

「免費實習生,通常有殺錯無放過,除非你好奇怪」

「議辦收實習生係好難唔要,老實多個人企下街都好,所以面試都係做下樣。唔收 9 成係啲奇奇怪怪嘅人」

「冇人工嘅 intern 都做已經戇 X,貼錢打工仲要俾人針對,點解依個世界咁多戇 X 仔」

「你又會咁傻真係 reject 完 offer 毛去見工?」

見工被耍但事後被加 LinkedIn?網民反恥笑樓主太傻豬
作為全能及看透世事的網民,大多抱以強烈恥笑的態度,認為樓主太傻豬。

見工被耍但事後被加 LinkedIn?網民反恥笑樓主太傻豬
有網民認為「一日未畀 offer 你,一日都有變數」,更建議樓主「不需有 hard feeling,當見見世面便算」。

Source: lihkg

相關文章

Page 1 of 11