人多迫到一個點，就是連少少空間也沒有，相信繁忙時間搭 MTR 港鐵的上班一族就最清楚。之不過，人人衣著裝扮也不同，有人喜歡手挽公事包，也有人喜歡孭背囊。不過，有網民對於孭背囊搭港鐵的朋友就怒火中燒，表示搭地鐵入車廂就應該除低背囊，整個背囊塞滿東西，還要四圍頂住人。
此 post 一出，即引發網絡罵戰，有人為孭背囊的朋友發聲，也有人表示明白樓主的感受。有撐樓主的網友表示，係繁忙時間被背囊頂住而行不到入車廂，真係好嬲。又建議大家應該入車廂後除低個背囊，放在兩腳中間，起碼會多一個人的位置可讓人企。此外，也有網友提及搭巴士坐下時，經常被背囊友行過時被背囊整到塊面。
【精選消息】
【精選消息】
至於反對樓主的人，就表示搭港鐵的不只背囊友，有時連手挽公事包的人一樣阻到人，是否又要人不要拎公事包呢！另外，又有網民表示，在人多擠迫的港鐵上，有時連扶手也碰不到，再將背囊放在兩腳上，如果列車突然急停，分分鐘跌落地。此外，有網民留言指，就是大家也不懂得人迫人應留有少許空間感的道理，見到人即使孭背囊也死命迫入去，壓落他人的背囊上，才會被背囊友反擊撞來撞去。
事實上，今年 3 月初港鐵也曾拍片教導背囊友的禮儀，結果引發一場「關公災難」，網民大罵港鐵是否要醜化所有背囊友。但如今又有網民覺得背囊友不懂規距四圍頂住人。看來港鐵孭背囊這個「世紀難題」，還是要靠乘客自律才能解決。
部分網友留言：
條野直樹：我唔孭背囊又會話拎住幾袋嘢塞住曬架啦，唔多嘢拎我使 X 孭背囊
利 X：咩背囊唔係問題，問題係上車一定要除
痴漢露股：我覺得孭背囊無問題，只係有仆街孭住個袋(可以係背囊/手袋/喼) ，就周圍撞唔理人，都係睇人㗎啫
藍天安達臣：坐巴士背囊 X 除背囊永世唔 X 睇，一袋發去我塊臉度
月球上的戀人：個個都孭背囊，你估個個都想孭背囊咩
花嫣語：無咩背囊就一定好？d 人成日都唔肯行入去，通常都你入果面塞滿人，另外果面就好多位企
圍她 G 奶：BB 車先係大佬，見到個小朋友應該有五歲，識行識走跑得快過你，但帶住個BB車仲要唔摺，BB 車上面就裝住老母個袋
Source：lihkg