新人抱怨 5 星級酒店擺酒僅收 $800 人情!網民:不如憑票入席

| Hin | 04-09-2017 14:33 | |

結婚擺酒原意是讓各位親朋好友祝賀一對新人,但當中的「人情」要給多少錢,在香港來說可謂充滿學問!有新人就在討論區帖文寫道「慘,人情都係 800,擺酒蝕到入肉」,指自己在金鐘 5 星級酒店擺酒,上網亦得悉人情公價理應 $1,000 至 $1,200,殊不知大部分親朋好友都係給 $800 人情。還表示即使是年薪過百萬的朋友,也只給 $800 人情,有些更只給 $500 人情。

最後埋單計數,原以為親朋好友給 $1,000 至 $1,200 就只需蝕少少就算,現在可謂蝕到「入肉」。更表示早知簡單一點就算,結婚十分辛苦,只有影婚紗收禮物時覺得開心,還問大家結婚賺定蝕。

【精選消息】巴打怒罵女人不懂高達!留言竟變「放閃」區

【精選消息】網民求問八達通「拍卡」英文點講!官方答案你滿意嗎?

此 post 一出即引來一大班網民罵樓主太過功利主義,擺酒只為人情就不如唔擺。也有網友留言,畀人情只是一點心意,為甚麼要斤斤計較,結婚並用賺錢及蝕錢去計算。更有網民留言,表示收咁多 $800 人情,只反映到樓主份人都應該無乜朋友。還有網民祝賀樓主下次結婚時,唔好擺酒店。

部分網民留言

「人情咪就係你自己嚮人地心目中嘅價值囉,收得少檢討吓自己點對人啦!人哋肯比面出席你都偷笑啦」

「而家結婚係為咗賺錢定慶祝 ... 而家好多人成件事本末倒置,擺酒要回本 / 賺錢。成個風氣畀呢班人帶歪晒,本身就喜慶日子叫埋成班親戚朋友嚟見證,變咗做叫班親戚朋友嚟送錢嘅日子,此風不可長。」

「佢應該公開售票,近主家席前面 5000,中間 2000,後面1000」

「貪字得個貧,抵死」

「收唔到報紙咪算你好彩」

「年薪過百萬又點,同你熟唔熟又係第二件事」

「擺得酒就預左冇左舊錢啦」

「最憎呢啲人左計右計,結婚擺酒係開心事 下下要用人情嚟計嘅,都唔知你結嚟做乜」

「下次再擺過啦」

「去 m 記擺酒呀笨」

Source:巴打絲打 Facebook Club

相關文章

Page 1 of 21