巴打怒罵女人不懂高達!留言竟變「放閃」區

| Hin | 01-09-2017 17:44 | |

網絡潮語都有句「男人愛高達,女人唔明白。」今日又有巴打碰到實例,忍不住要放上網 post 文,更怒罵「不懂尊重男人同高達的女人,就不要入模型舖!」話說呢位巴打去深水埗睇模型,碰巧撞上一對男女入來看模型,眼見男的拎著盒 RG 觸角獸高達愛不釋手的樣子,但卻被目露兇光的女士嫌棄,並說到:

師奶:睇夠未? 
男人:......(唔出聲) 
師奶:次次都係睇呢盒,你都睇咗好多次! 
男人:......(都係唔出聲) 

最後,男的放低盒 RG 獨角獸高達。而樓主就認為 HK$200 多的模型,兩人食個飯就已經沒有,要這樣當著咁多人落個男人面。因而叫所有不懂尊重男人同高達的女人,就不要入模型舖。

【精選消息】地勤千字文抱怨「港人旅遊變殘障人士」?網民:好寫實

【精選消息】銅鑼灣多箱手機殼街邊任拎?網民:貪少便宜港人現形

此 post 在 Facebook 專頁一出,並未引來網民留言大罵這位女士,反而引來大班女性留言「放閃」,Tag 自己的男友或老公兼留言「你睇你幾幸福,陪你去模型舖睇高達仲買嚟同你一齊砌」、「我會叫你買」、「有冇覺得自己好幸福?你老婆直頭自己去買隻 unicorn perfect grade 送俾你。」、「你老婆仲要湊住個仔都幫你買。」單看留言真係「閃」到眼盲,亦證明天下間並非所有女士也不懂得高達,只是你能否碰得上!

Source:高登討論區 HKGolden

相關文章

Page 1 of 14