旅行撞正「度縮」朋友點算好?網民:返香港同佢絕交

| Hin | 08-08-2017 17:38 | |

無論是多年的朋友還是情侶,有人話只需要去一次旅行,就可以將對方的性格看得清清楚楚。有位樓主就在討論區上打出抱怨文,指自己同幾位朋友去旅行,怎料當中有個「度縮孤寒」朋友,其「度縮」行為簡直讓人頂唔順!

樓主指與這位「度縮」朋友一起去日本大阪旅行,表示即使去便利店食個早餐都話要慳。之後去黑門市場一大班人「掃街」買食物,個個都會夾錢,唯獨係佢唔夾錢,但又時不時偷偷地拎來吃。及後在旅程當中,有其他朋友生日,大家想夾錢買蛋糕幫朋慶祝生日,每人只是夾 200 円(約 HK$14)也不肯夾。樓主表示去旅行去到咁,真係想叫這位「度縮」朋友不去也罷,還問大家意見,回港後是否應該同佢反面。

【精選消息】【巴打主辦】第一屆鬥爛充電線比賽!超爛都充到電?

【精選消息】2020 東京奧運主題曲 MV 正式出爐

大部分網民們也表示這個朋友唔識也吧,即使不反面,下次去旅行也不用叫他。也有網民表示,咁樣「度縮」玩,不如儲多一點錢下年才去好過。此外,也有網民留言吐苦水,表示自己去旅行也遇著「度縮」朋友。例如,返大陸買上網電話卡,叫佢夾錢又唔肯,但又要人 share Wi-Fi 畀佢用,仲要不斷 send 片 send 相,搞到自己要就住就住用。亦有網民吐苦水,表示自己阿媽都係咁慳,去台灣物價算低的地方,同樣係慳住食,仲將酒店的免費下午茶當晚餐食。

此外也有網民教路,表示一大班人去旅行,初頭要夾一份「公數」出來,大家一起食、一起玩就可以扣「公數」,哪麼就不用斤斤計較,亦可以公平一點!未知你又有否遇過「度縮」朋友一起旅行呢?

Source:lihkg

相關文章

Page 1 of 21