而你不知道電競 KOL Rose Ma（馬俊怡）是誰？經過近日在討論區瘋狂討論的 post：「Rose Ma 公開處決動物台手足合集」後，或者會對 Rose Ma 這位電競 KOL 有點印象。其實不少公眾人物跟 fans 合照後，會 post 上社交平台答謝對方支持，是很正常不過的事，不過 Rose Ma 在 post 相之時，沒遮蓋 fans 們的名字及訊息內容，直接 cap 圖 po 上社交平台，就讓網民「有機可乘」，被認定是「處決 post」，圍插 Rose Ma「借 fans」上位之外，fans 們又慘被起底，得不償失。過後，Rose Ma 其實已就事件在其 FB 專頁道歉，可是力度似乎未夠，因此她今日（8 月 4 日）也有於個人 FB 出 post，以「錯就要認！」為首，再度 say sorry，更用「以後唔會再犯錯」為結。
【精選消息】
【精選消息】
有網民見到 Rose Ma 鼓起勇氣出 post 道歉，也希望「受影響既師兄接受道歉」，更認為「知恥近乎勇，欣賞你這次回應」、「知錯能改，抵撐！！」，但當然，也有部分網民認為 Rose Ma 的處理方式是有不足之處，「無問過人 po 晒出嚟係有問題」、「因為她係起因，無佢 post 相就不會出現起底問題」。之不過，在事件中也有網民認為影得合相就預了會被 post，毋須遮遮掩掩，「揾得你影相合照就光明正大怕咩比人知」、「如果合照咗歡迎你貼。我唔覺意同你合照有幾羞恥」，更建議 Rose Ma 不要太在意小撮網民的批評及攻擊。
部分網民 comment 如下：
「無問過人 po 晒出嚟係有問題，但我覺得佢地小事化大姐，首先點解覺得同 model 影相係一個問題先」
「無搲你合照，不過如果合照咗歡迎你貼。我唔覺意同你合照有幾羞恥。」
「希望受影響嘅師兄接受道歉」
「知恥近乎勇，欣賞你這次回應」
「由始至終都覺得係有 attention-seeker 小事化大，搵得你影相，唔係你朋友都至少係喜歡或認同你既人，成件事根本係值得回味同分享嘅開心回憶，唔明張相點解會唔俾得人睇，講到成件事唔見得光咁，仲要轉移視線話咩私隱，斷估合照時周圍都人山人海啦，私咩隱呀。怕俾朋友笑或俾女友鬧就更加 on X，俾少少自信自己好唔好，俾人話兩句就淆晒底要搵馬馬出氣。」
「因為她係起因，無佢 post相就不會出現起底問題」
「一失足成千古恨」
「經一事，蔡一智嘛！加油呀！」
「所謂處刑真係有點牽強」
「欲加之罪，何患無辭，開 Post 條友有心隊你，就算你無做呢件事，佢都會搵其他嘢隊你，支持你嘅人點都會支持你的。」
Rose Ma 有否想過只是單單幾張合照，都可以觸動眾人神經，上演一場「公關災難」？不過也希望她能吸取教訓「經一事，蔡一智」，下次能夠「識時務者魏駿傑」吧。
Source: Rose Ma Facebook, lihkg