去旅行前，唔少朋友都會買返張上網卡。「鴨記」嘅價錢一般都係抵，但最近 3HK 官網竟然大劈價，當中歐洲、台灣上網卡，價錢仲平過鴨記！係真唔係？ezone.hk 同大家睇真啲。
是咁的，3HK 的新推廣係買 2 張外遊儲值卡，可享 6 折優惠！目前有 5 款選擇，當中 2 款較「鴨記」抵，包括：「國際」/「歐洲」漫遊流動數據儲值咭，買 2 張只係 HK$392，即係每張平均 HK$196，「鴨記」賣 1 張要 HK$230；「台灣」漫遊數據儲值咭買 2 張 HK$108，每張平均 HK$54，「鴨記」賣台灣卡 5 日無限普遍 HK$60 以上。3HK 官網仲包送貨，不過優惠期只到 5 月 4 日。
【相關報道】AIS Sim2Fly 新增歐美 15 日上網卡 覆蓋全球 30 地
【相關報道】AIS Sim2fly Asia 一卡玩 14 地澳洲台灣日本測速
「日韓」漫遊數據儲值咭
於日本及韓國使用 7 日 3GB 數據
HK$129 （1 張） / HK$194 （2 張）
「台灣」漫遊數據儲值咭
於台灣使用 5 日無限數據
HK$72 （1 張） / HK$108 （2 張）
「中港澳」漫遊流動數據儲值咭
於中國及澳門 3 日 150MB 數據 / 於香港及澳門 5 日 1GB 數據
HK$78 （1 張） / HK$116 （2 張）
「亞洲」漫遊流動數據儲值咭
HK$230 （1 張） / HK$344 （2 張）
於南韓、日本、台灣、泰國、新加坡、印尼、菲律賓、馬來西亞、紐西蘭、澳洲使用 7 日無限數據
「國際」/「歐洲」漫遊流動數據儲值咭
HK$280 （1 張） / HK$392 （2 張）
於英國、瑞典、意大利、丹麥、奧地利、愛爾蘭、法國、德國、希臘、荷蘭、西班牙、加拿大、澳門、香港使用 14 日無限數據及瑞士使用 150MB 數據 /
於英國、瑞典、意大利、丹麥、奧地利、愛爾蘭、法國、德國、希臘、荷蘭、西班牙、阿爾巴尼亞、捷克共和國、加納、匈牙利、馬耳他、葡萄牙、羅馬尼亞、南非、土耳其、埃及使用 15 日 1.5GB 數據
不過，想更抵玩嘅話，用之前 ezone.hk 介紹過嘅「3HK 4G LTE 本地及國際漫遊儲值卡」配 3 折增值券，會更吸引呢！不過玩法比較麻煩，呢個雙卡優惠就較適合鍾意方便嘅用戶。
Source： ezone.hk