USB DAC 是耳機玩家熱捧玩意，近期更有唔少手機用的 DAC 出現，平平地的 都講緊幾百蚊。小記最近就在淘寶發現呢款只賣 50 蚊人仔的手指型 USB DAC，賣家就講到天花龍鳳，究竟會唔會蔗渣價錢聽出燒鵝味道，於是小記決定買隻試試，比個試伏報告大家！
先講呢款 USB DAC 的外形，基本上就沒有任何標記，好似 USB 手指一樣，由一家專賣 DIY CAS 系統的淘寶網店出售。小記收到時包裝就只有泡泡袋，好彩拆開都叫完好無缺。據賣家稱，佢入面用 PCM2704 晶片，支援 16bit 音質及 48K 採樣，規格都係一般料啦！不過由於晶片是大路野，PC、Mac 都可以免裝 Driver 直接用，小記測試部份 Android 手機都用得，例好 Samsung Note 4、Galaxy S7、HTC One 等，基本上可以用 OTG 連接周邊配件都用得！
首次插入電腦時，記者用 Shure SE215 試聽，實在可謂災難性，高音尖、低音無，唯一可取是輸出尚算夠力，一心諗住伏左就算，但都試試煲機幾日再試。不過，大奇蹟就在 4 日後發生，再插入耳機試聽衛蘭的《大哥》時，明顯尖銳聲降低，高音變得清趣，中音的人聲亦十分甜美，只是低音略欠澎湃感，小記俾編輯部同事試聽原本手機直出同加 DAC 後的效果，讓大家「估值」，有幾位同事聽過後都立即搵「阿親」訂購。它的售價只需 50 元人民幣，如果剛好電腦 Sound 卡損壞，又或者想在公司電腦聽聽歌，總括黎講呢幾十蚊絕對抵俾！
【資料】
相關網址：https://goo.gl/3NBhu9
售價：50 人民幣 (約 HK$60)
Source：ezone.hk