Facebook 上每日都會有唔少朋友 Post 相，無非都是想分享吓、呃下 Like，張相影得靚啲先擺上 Facebook，自然呃 Like 都易啲啦，有乜理由換左 GS 7、iPhone 6S 都唔夠人靚先！今次 ezone.hk 就教大家一個 Facebook App 設定，立即將張相變高清！
相信大家都知道 Facebook 相片是會有壓縮，主要是因為想幫大家慳流動數據，之不過手機 Upload 相片的解像度就大大降低，好易令張相睇落唔夠 Sharp，換部幾靚幾新的電話都無用。不過，響 Facebook App 入面，其實有個叫「上載高清相片」的選項，就可以提升 Post 相的解像度。
小記以 Samsung Note 4 手機進行測試，響 Facebook App 預設設定上載一張食飯相，然後再啟動「上載高清相片」選項上載。最後，從電腦網頁版登入 Facebook 觀察，明顯高清版相片更加銳利，當下載剛剛的兩張相同相片到電腦檢查時，結果普通版的解像度只有 960 x 540 pixels，而高清版就有 2,048 x 1,152 pixels。高清版的相片檔案體積其實只有 500kB 左右，當每日 Upload 兩張，一個月總其都只係用 30MB 流量，但換來咁明顯的分別，大家豪得起掛！‧？
Source：ezone.hk