瀏覽器首頁被綁架，係唔少人最常遇到的電腦問題，近期以幾個大陸網最惡，包括 hao123、2345、360 等。近年首頁綁架手法層出不窮，用咗好多唔同方法令用戶無法簡單處理，有人不能由得佢不了了之，但點可以放過呢類乞人憎嘅行為！
網上教授解決首頁綁架方法有好多，但每個綁架方法都未必一樣，最簡單的純粹只係修改首頁設定，而最麻煩的就係修改登錄檔，而且仲有機會響唔同位置修改登錄碼，手動改番一次正常，重新開機又會變番被綁架的頁面。今次，ezone.hk 就教大家運用 3 款軟件，完整根治各類的首頁綁架問題！
Step 1 - AdwCleaner 基本清理電腦
首先，大家應該使用《AdwCleaner》，佢可以將電腦內的所有廣告軟件及瀏覽器插件移除，按指示掃描同埋刪除不良意圖的程式就可以。
Step 2 - Junkware Removel Tool 瀏覽器淨身術
《Junkware Removel Tool》是專門針對瀏覽器設定綁架的修復工具，界面以 DOS 模式執行，其實大家唔洗驚，你只要按任個一粒制佢就會自已做野。
Step 3 - Malwarebytes Anti-Malware 最後身體檢查
最後，今次就建議大家使用《Malwarebytes Anti-Malware》呢款惡意軟件清除工具，重新掃描一次電腦，睇睇仲有無遺網之魚。至於使用方法就同一般防毒軟件無乜分別，按 Scan 後等結果就 OK！
Source : ezone.hk