真‧無線耳機最近愈來愈多，最近就有 Onkyo W800BT 發布啦！計埋之前推出既 Earin Truewireless、fFLAT5 AriaOne、i-Tech FreeStereo Twins，總共有 4 款咁多，ezone.hk 早前都已經有測試報道過，但邊款先啱你呢？
０１．試接收
真無線耳機 Truewireless 其實都係用藍牙技術，不過該技術建基於 CSR 藍牙技術 Ver 2.1 或以上版本。原理是採用兩個藍牙耳機裝置，將其中一個設定為「主聲道 Master」，另一裝置則作為「副聲道 Slave」。透過內建於 BlueCore5 晶片的接收天線及程式，連接成為立體聲道，傳輸藍牙訊號。
即係話，訊號並非由訊源直接分派比左右耳機，而係先傳輸比其中一隻耳機，再傳輸比另一隻耳機。不過藍牙訊號容易受干擾，購買時不妨做個小測試，啟動手機藍牙功能並無線配對耳機，當然要戴上啦！用手蓋住兩隻真無線耳機之後，可能會發現，接收係會間唔中斷線的，放開手又自動接駁番。在戶外干擾更多，斷線的情況可能會更加嚴重，所以試埋戶外接收會更穩陣。當然，天線設計得愈強接收就愈好啦。
０2．憑感覺
因為真無線，連掛頸線都無，即係戴得唔實就會墜機。所以買之前都要試戴，睇下夾唔夾你隻大耳窿先。有部分真無線耳機係有「耳翼」可以加的，用來頂住外耳令你用得更加安心，唔怕跌出來。
Source：ezone.hk