環狀放射式港鐵路線圖見過沒?

| shiuhk | 23-06-2016 12:15 | |
環狀放射式港鐵路線圖見過沒?

地鐵線愈起愈多、愈加愈長,望住宜家個橫向港鐵路線圖,有時真係覺得好迫。而且,港鐵站位置表達出來同實際地理都差太遠,對於外國旅客來講,的確唔夠清晰。咁如果長方橫向嘅路線圖唔 work,咩形狀先 work 呢?有網友就比咗個答案大家,圓形!

「香港鐵路發展研究組 HKRDG」就係 Facebook 發表咗一幅以圓形軸心圖為基礎嘅「新版港鐵路線圖」。據說圓形路線圖主要參考鐵路公司官方路線圖以及部分維基百科作品製成,淸晰咁表達出香港嘅鐵路系統呈放射狀,最中心係市區四綫,即荃灣綫、港島綫、觀塘綫、將軍澳綫,就好似「環狀綫」咁處於香港中心,從市區四方八面伸延到新界、近郊地區,簡而精!

不過,呢幅圓形軸心港鐵路線圖都依然唔咪最完美架,就好似有網民發現,「荃灣西站」竟然畫咗係「荃灣站」既東面,而「堅尼地城站」位置仲西方過「東涌站」,而香港嘅中心點竟然係「黃埔站」,對於唔少港人來講,呢幅圖依然有好多地方可以改善,唔知港鐵將來又會唔會整一幅類似形狀,但地理位置更吻合嘅路線圖出來呢?

環狀放射式港鐵路線圖見過沒?

Source: 香港鐵路發展研究組 HKRDG
 

相關文章

Page 1 of 11