夏天又有蚊滋又有蠓，有時候搵唔到源頭係邊，殺極殺唔曬，都幾麻煩。以往好多人都會用蚊香，不過陣味真係人都未必頂得順。用蚊帳、紗網，之後又要自己去清走屍體，諗起都唔舒服。如果有個裝置可以安全環保咁誘捕蚊滋，之後又唔洗自己執屍體？
日本製誘捕啫喱，以紹興酒混合黑醋製成嘅特殊氣味誘捕蚊滋、螞蟻、烏蠅等細小昆蟲，入咗去出唔返來！最重要嘅係，唔洗用電，用後將整盒啫喱棄置就得，超方便。見到啲昆蟲死晒係盒啫喱入面，真係有種講唔出嘅爽感。
誘捕啫喱細細盒，廚房、垃圾筒旁、盆栽旁等位置就可以，體積小冇毒氣，屋企有小朋友真係好適合使用。不過，其設計太似啫喱，有機會被小孩誤以為甜品而食下，到時就好危險。
誘捕啫喱分為纖巧版、普通版。若然想買的話，而家香港仲有限時團購做緊 $54 ，詳情【按此】瀏覽。不過，有網友發現，在日本亞馬遜網上商店上，此產品現正特價賣緊 471 日圓（約 HK$33.5)，上述那個團購抵不抵？真係見仁見智。
其實學 ezone.hk 小記話齋，下次去日本旅行經過超市時，可以考慮買幾個回港做手信（爆買也可！），相信絕對受歡迎過銀座香蕉蛋糕與北海道薯條三兄弟。
Source：Umatob013 ＠YouTube
Photo Credit: aladindin.com