是咁的,網友「心理時鐘」日前在高登討論區感情台發帖,題為「第一次見網友中伏,有冇巴打可以過黎救我」,大意指自己著咗條橙色短褲仔,初次約會女網友中伏,急需求救云云!網友行文坦蕩用字風趣,我見猶憐;旋即引來巴絲打洗版式回應,發帖未夠 24 小時已有 41 頁回應,仍在增加中,生生不息。
天地有正氣,巴絲打救你
網友「心理時鐘」發帖留言:「佢send比我既相都正正常常 出黎見面竟然係肥婆 仲成日借d意拖我手臂 我係又一城,着住黑色tee橙色短褲 有冇人可以黎救下我 個肥婆着紫色衫黑色褲」估計二人曾經在虛擬世界有接觸,「心理時鐘」收到對方相片,認為可以約會,存在憧憬;惟見面時覺得對方真人與相片大有落差,晴天霹靂;疑又不想傷害對方,遂貼文向「高登之內皆兄弟」的巴絲打求救。
江湖救急,加上大題內文皆天地動容,狠快惹來巴絲打連環發炮,要求網友自拍貼圖;「心理時鐘」亦不斷「報告」自己在又一城的位置求救,恍如文字直播。精彩回應節錄如下:
網民搞笑回應
貓姬:你自拍一張 我即刻過來扮你女朋友
小馬bb:$1000 我過黎扮你條女趕走佢
睹墨思人:你自拍一張 我即刻過來扮你男朋友
心理時鐘:我呢刻係Page one果層,但會行黎行去唔同層,位置未必準確
燒鵝脾好撚正:你個樣咁樣 點會真係有索女同你出街
心理時鐘:行緊去page one
Jesterhead:點解唔叫 d frd 打界你話有急事?
Lolicon:留名睇樓主咩樣
緣盡雲起時:你地好襯
遇溺的蝌蚪:你無係果個肥仔阿?唔講以為係兩公婆
錢7開200:樓主 我跟緊你地尾,唔係話好肥姐,但樓主都好毒下,試下發展啦(下次唔好著橙色短褲,好柒)
日本風俗畫:_ 明明見到你同佢嘴得好親熱(文字經過處理)
BoogieMan:_ 你鐘意肥婆咪去馬囉 係唔鐘意一早走左啦扮乜 _(文字經過處理)
錢7開200:樓主咁毒都約到女,唔想搞散人地
浴缸裡的貓:借尿遁啦仲問
摧毀得徹底:影條女過下目先黎救你
皮裡春秋:高質post
打丁唔洗手:有巴打搞緊live FB 搵 JFFT
湯馬斯真:留名睇成村人跟住個橙色褲行
褲有二袋:樓主我覺得你地幾登對
追電車的孩子:直播post ?_?
流水無心:岩岩叫完個m記都未食曬落趕住落黎睇
曉語:上左小巴
Jesterhead:仲要兩個一齊上
貓貓食雪糕:能成為巴打大概總帶著愛
GAY絲:肥婆唔係女牙?
3年cd-rom:牙你老母
普美個咀好細:班友仔影住樓主去送死 笑 _ 到我(文字經過處理)
雲下鳥:係又一城, 見到成班on9係道笑笑口開住高登, 跟住樓主
Toxic_Boyz:有無肥婆相
心理時鐘:多謝各位巴打關心 我就黎返到屋企,沖埋個涼先分享 Btw頭先沿途係我身後面都有d人係到細聲講大聲笑,究竟係咪高登仔黎,定係係我既錯覺
Source:hkgolden