日本自駕遊注意|揸車轉彎安全攻略須讓行人 泊車1件事必做免撞花

| 黃俊翔 | 23-03-2024 11:00 | |
日本自駕遊注意|揸車轉彎安全攻略須讓行人 泊車1件事必做免撞花

日本自駕遊|自由行遊日本,唔少人都會玩自駕遊,自己租車去不同地方,時間更彈性之餘,對於同行親友,尤其是年長或小朋友,亦會較為舒適。不過去日本自駕遊,看似容易,但其實有唔少注意事項,都值得自駕新手留意。ezone.hk 有唔少記者都愛自駕遊日本,以下就分享少少第一身經驗。

自由行遊日本,唔少人都會玩自駕遊,自己租車去不同地方,時間更彈性之餘,對於同行親友,尤其是年長或小朋友,亦會較為舒適。不過去日本自駕遊,看似容易,但其實有唔少注意事項,有唔少港人都曾出事,最好就要做足準備。早前就有為大家介紹過自駕遊必備 Apps,還有不少事項都值得自駕新手留意。ezone.hk 有唔少記者都愛自駕遊日本,以下就分享少少第一身經驗。

日本自駕遊注意事項

01:綠燈轉彎記得睇人又睇車

02:公路無街燈唔出奇

03:善用中途休息站

04:泊車 sensor 欠奉

日本自駕遊注意事項05-08︰日本自駕遊慳錢|租車前多做1步免跌錢!揸長途買ExpresswayPass、AEON免費泊車

 

日本自駕遊注意事項|01.綠燈轉彎記得睇人又睇車

可能你已經擁有幾十年香港駕車經驗,但去到日本,即使同屬右軚,自駕遊都要小心,尤其在市區燈位。十字路口中,若閣下準備轉左,即使前方是綠燈,當你轉左入彎時,都唔好老定,因為呢個時候,隨時會有行人在「綠公仔」的情況下過緊馬路。你又係綠燈,佢又係綠燈?係呀,其實全球唔少地方都係咁,反而係香港系統太安全。在日本,汽車必須讓行人先行,因此即使你係綠燈轉左,見到行人過緊馬路或即將過馬路,你都要停車待行人過完馬路才可前行。

十字路口想轉右又如何?綠燈轉右你更要睇清楚,因為對頭車「直行」方向同樣是綠燈,你以為綠燈轉右乜都唔理,就會隨時出事!好簡單,大家每次十字路口綠燈轉右時,都當係香港的「袋口位」處理,睇清楚對面方向有無車先好行

日本自駕遊注意|揸車轉彎安全攻略須讓行人 泊車1件事必做免撞花
留意,同一個燈位,駕車人士係綠燈,行人過路都有機會係綠燈,要睇清楚!

日本自駕遊注意事項|02.公路無街燈唔出奇

在香港駕車,就算玩到上山頂,都好難搵到一條路係完全無街燈。但去到日本自駕遊,不少國道(一般公路幹線),甚至是自動車道(高速公路)都會無街燈。以較多港人自駕遊的沖繩為例,連接沖繩島南北的國道 58 號,有不少路段都係無街燈。夜晚行車時除要份外小心,必要時要善用高燈。  

日本自駕遊注意|揸車轉彎安全攻略須讓行人 泊車1件事必做免撞花
唔少自駕遊新手都會選擇沖繩作為第一個自駕城市,但其實沖繩都有唔少路段係無街燈。日頭行車,當然無問題,但夜晚就要小心。

日本自駕遊注意事項|03.善用中途休息站

在香港駕車,好少話要中途停低休息,但去到日本自駕遊,尤其是長途車程就記得善用中途休息站,日文稱為「道之驛」。日本的自動車道沿途都有不少「道之驛」,唔單止有基本的洗手間、油站等設施,部分更會有餐廳、手信商店以至觀光台。普遍租車公司提供的 GPS 車機,都會提供「道之驛」情報,假設經自動車道由 A 點去 B 點時,途中經過每一個出口(IC),若該地點設有「道之驛」都會有提示,例如以圖示顯示設施種類等。接近休息站時,按路牌指示即可駛至泊車。以記者最近一次由名古屋市中心駕車上富山為例,車程近 3.5 小時,經東海北陸自動車道行仲會有勁多條又直又長的隧道,中途唔休息真係好難頂兼好危險。

日本自駕遊注意|揸車轉彎安全攻略須讓行人 泊車1件事必做免撞花
從名古屋經東海北陸自動車道上白川鄉,有不少「道之驛」,裡面有好多手信買。

日本自駕遊注意事項|04.泊車 sensor 欠奉

駕車經燈位要小心,長途車要善用休息站,泊車又有無難題?睇你平時在香港泊車,有無過份依賴泊車 cam 或泊車 sensor 啦!小記幾次去日本自駕遊,唔知係唔好彩定因為租車公司一般都會選用配備較「基本」的車型,租用的汽車都係無泊車感應器 sensor(即係平時泊車會 bebe 聲那種),後泊 cam 當然更加欠奉!如果閣下平時在香港泊車依賴這些科技,去到日本就要望清楚幾塊鏡,亦唔好依賴架車有聲提你「到喇」!必要時,搵同行朋友幫手睇位都係安全上策。

日本自駕遊注意|揸車轉彎安全攻略須讓行人 泊車1件事必做免撞花
租車公司提供的汽車,多數無泊車 cam,想好似自己架車咁用車機芒睇後面,你就想喇!

【日本旅遊相關報道】

【汽車相關報道】

 

Source:ezone.hk

日本當局承認香港發出的國際車牌,香港人可以向當地租車公司租用汽車自駕遊,只要同時購買第三者意外保險便能合法駕駛。

日本的道路設計是右軚駕駛,與香港一樣,對香港自駕遊的玩家相當適合。

相關文章

Page 1 of 11