睇完以上 6 個令人會錯意嘅 emojis 之後,而家繼續睇埋另外 7 個經常令人會錯意嘅 emoji,睇下自己係咪同樣成日用錯!
一般人會將下面左邊個 icon 表情用作悲傷、不安、困域,但其實際意思係雖然失望,但已經紓緩咁解。至於右邊個 icon,有部分人會認為係喊到眼淚跌到落個鼻度,但實際意思係表示好困倦、悶到瞓著咁解。
左邊兩隻眼打晒「X」嘅 emoji,大部分人會將佢代表死、或者驚訝,而實際佢係表示做到頭昏腦脹、暈陀陀。而右邊呢個「O 晒咀」嘅表情,唔使講一定係代表驚訝,但原來佢本身的意思係代表肅靜(hushed)。
呢個面具圖案好多人用嚟代表邪惡、憤怒,但其實佢係日本民間集俗中的生鬼(Namahage),真正意思代表辟邪,將屋企唔好嘅衰氣驅除。至於呢粒星星,好多人都當咗佢係流星,但其實佢真正意思係漫畫化嘅「暈陀陀」咁解。
以下呢個咁歡樂嘅 emoji,真實意思係兔女郎,有性暗示嘅意思。不過,一般女士會將佢代表成激動,以及快樂。
睇完以上咁多個 emojis,唔知你用錯咗幾多個呢?不過,用唔用錯其實都無乜所謂,只要加埋文字解釋,大家明白就 ok 啦!
【
Source:ezone.hk