網民實測國產綁架軟件邊款最毒?

| Hin | 20-07-2016 19:49 | |

你有冇試過係電腦安裝某類 Freeware 免費軟件時,佢會偷偷地安裝其他軟件,耗用資源嘅同時,甚至是連你網頁瀏覽器的首頁都改埋,兼唔畀你再改。呢類被稱為「綁架軟件」的東西,唔少都係國產軟件,有部分甚至本身係「網絡保安」及「防毒」軟件。台灣就有網民一口氣係電腦安裝 13 款國產綁架軟件,睇睇邊一款係皇者中嘅皇者,榮登「最毒」寶座!

 

呢位網友就模擬一個規格屬四核心、約 2GB RAM 嘅虛擬電腦,來安裝 13 款國產軟件,睇睇邊款「最毒」,當中包括:360 瀏覽器、360 安全衛士、hao123 快捷程式、金山毒霸、百度衛士、瑞星殺毒軟件、快播插件等等。

逐一下載及安裝之時,已有 Google Chrome 網頁瀏覽器率先認定瑞星殺毒軟件是惡意軟件,直接作出封鎖,網友為作實測,當然直接還原安裝,以身犯險!之後,在安裝 hao123 快捷程式時,就發現其提示怕用戶的瀏覽器首頁被綁架,所以率先綁架用戶的首頁。

瑞星殺毒軟件連 Google Chrome 也過不了。

hao123 快捷程式表示綁架首頁,是為用戶著想。

之後,網友一直安裝其他綁架軟件,發現只係安裝了 4 個程式,但已有多達 13 個程式介面於桌面上, 電腦更開始欠缺反應。網友更發現每安裝一個安全衛士或殺毒軟件,都會表明電腦有風險需要優化。

及後,再繼續安裝,所耗用嘅時間已經愈來愈耐,而電腦亦已接近無反應,需時 10 多分鐘才開始彈出各個綁架軟件的介面,當中金山毒霸更彈出信息指,可以為電腦加速,並且清理 1.03GB 垃圾。之不過,網友就好幽默咁表示,新嘅虛擬電腦竟然可以清理成 1GB 嘅垃圾,難道係想將整個 Windows 刪除?

僅安裝 4 個綁架軟件,而附帶多達 13 個軟件安裝其中。

金山毒霸彈出可清理 1.03GB 垃圾。

由於電腦 lag 到不行,所以網友決定先強制關機,再於安全模式下再開啟電腦;第一個壯烈犧牲嘅軟件就是瑞星殺毒軟件,網友表示因為佢連 Google Chrome 都過唔到,所以犧牲份屬正常。最後,經過 10 多鐘後,網友發現其他的綁架軟件竟然可以和平相處,佔用 100% 的 CPU 使用率,以及一半的記憶體,結果可以話係出人意表!

電腦太 lag,要於安全模式下再開啟電腦。

最後發現各個綁架軟件和平相處,佔用 100% CPU 使用率。

Source:ezone.hk、ck101

Page 1 of 16